26 OCTOBER 2011(WED)
基本上小小豬一歲嘅時候，我地係屋企幫佢修一修短啲髮腳之外，都未正式剪過頭髮。原本都冇打算咁快帶小小豬去剪頭髮，不過因為佢啲頭髮越嚟越長，加上又好大汗，每次食飽飽或者玩得激烈嘅時候，都會攪到成頭大汗，真係睇見佢都覺得辛苦，所以都係決定帶小小豬出去剪頭髮。
係未入去剪之前，我都只係打算修吓個型、剪短少少咁，不過因為小小豬成日出街都俾人叫做『妹妹』，所以最後就叫髮型師幫小小豬剪個男仔頭啦！
開頭小小豬都好乖乖咁係我腳上坐定定~
不過....當髮型師用電刨(放心..係BB專用的)幫佢收後面同兩旁的髮腳時，小小豬情緒開始失控，不停咁喊，最後要小豬媽抱住剪埋下半場~
![]( "IMG_5713")
![]( "IMG_5716")
依個就係小小豬新髮型嘅背面，因為佢最後都唔係太合作，所以個尾就收得唔係咁好~
![]( "IMG_5754")
算啦....第一次剪係咁啦...不過正面睇都幾好呀！剪完之後真係即刻大個仔左好多，完全唔似BB啦~
![]( "IMG_5755")
同場加映：依個小小豬真係一名為食豬嚟呀，睇吓佢有得食蘋果個樣幾開心~
![]()
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
