19 AUGUST 2011(FRI)
小小豬由出世開始都未剪過頭髮，因為覺得佢都係得幾條頭髮毛，所以成日都覺得唔洗剪住。
雖然係得幾條毛毛，不過啲頭髮都已經可以蓋過耳仔同頸位，加上天氣一熱起上嚟，佢就會變身成為濕水豬仔咁，成個頭都濕晒。每一次大肥豬見到依隻濕水豬仔嘅出現，都要嘈住話同小小豬剪頭髮，不過就唔係出去SALON剪，係大肥豬幫小小豬自己剪，話第一次剪當然要由爸爸負責同埋要親子咁話哦！
其實我都想早啲幫佢地剪，不過又有一個擔心就係怕大肥豬剪得唔好，咁就會影響我地去STUDIO影靚相，所以一直都唔俾剪。直到上星期都去晒影相，所以就開始著手幫小小豬剪頭髮啦！ 買日終於都買左把剪頭髮較剪，所以可以開工剪..剪…剪啦！
依個小小豬真係曳曳，幫佢剪嘅時間就周身郁，攪到我地都唔敢剪落手，經過一輪掙扎，終於都成功完成，睇吓小小豬剪左頭髮之後個樣，雖然唔係剪好多，不過剪完之後總係覺得個樣唔同左，好大個仔......同埋男仔頭左好多呀，應該出街唔會再俾人叫『妹妹』啦！
大家睇吓個新LOOK先啦~
背面~
![]()
兩個側面~
![]()
![]()
哈哈...剪得都算幾好啦，起碼都叫做見得吓人，咁都要俾個叻叻大肥豬！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
