20 JUNE 2011 (MON)
今日因為小豬媽屋企大廈進行五年例檢大型工程，攪到冇水又冇電，為免影響小小豬正常活動，所以就小豬媽嚟左我地屋企照顧小小豬。
我地返工之後就同左小豬媽一齊去商場入面元祿食DINNER。
開頭都好地地，小小豬都乖乖咁坐定定，不過點知過左一陣，小小豬俾對面冒險樂園啲燈光吸引左，好想過去睇咁，所以我地食完之後就過左冒險樂園陪小小豬行個圈。
其實我地之前都帶過小小豬去冒險樂園行幾次，仲放佢落去啲車仔入面玩，不過當時佢好似傻吓傻吓咁唔識得玩，只係識坐係度，但今次小豬媽教左一次之後，佢就識得揸住個呔盤，仲玩得好開心添~
玩左幾部車仔，依個貪玩嘅小小豬仲唔肯走呀~
哈哈...真係唔知好嬲定好笑啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
