9 AUGUST 2010 (MON)
今晚係小豬媽屋企食過晚飯之後，我地一行五行就由小豬爸車我去醫院，作好準備迎接明天小小豬來臨。
我地八點左右去到醫院，不過同時間有另外兩位孕婦正在辦理入院手續，所以都等左差唔多一個鐘先到我辦手續。雖然有都好多人陪住我，不過係等嘅過程都有啲緊張。
到我嘅時候大肥豬就同我一齊入姑娘房辦手續。原來都有好多FORM要填，仲有好多問卷同埋簽好多個名，總之攪攪吓都攪左成大半個鐘先登記好。姑娘幫我做左個簡單產前檢查之後，就準備上病房啦~
小豬媽同小豬爸等我安定左之後就走，大肥豬就留多一陣陪我，係依個時候就影埋最後一張大肚相留為紀念~
大肥豬等到姑娘趕先離開醫院，我就準備訓覺。不過，當時嘅情況又點會訓得著，所以就問姑娘拎左早前醫生開俾我嘅訓覺藥，等我可以好好訓一覺好，有足夠嘅休息迎接明天小小豬來臨。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
