天堂與地獄

27 FEBRUARY 2011 (SUN)

自我睇完那位中西合壁醫生之後，小豬媽聽到醫生話我個身係勁寒涼，所以依幾日佢都有煲薑茶俾我飲，等我可以驅風，真係勁SWEET呀~

不過今日返左自己屋企，冇左小豬媽嘅愛心薑茶，唯有自己買材料自己煲啦~

我都依照小豬媽個教法嚟煲，不過唔知點解總係冇小豬媽嗰啲咁好飲，我都已經落左成大舊薑，但都只係覺得有少少薑味。可能係我唔識揀，所以買左啲唔多靚嘅薑，所以出唔到味啦！

講到唔好飲，真係不得不講我今日係超級市場買黑糖時，見新出左一隻即沖嘅薑茶，咁我就買左包嚟試，諗住如果OK都可以沖依啲嚟飲，唔洗日日煲嘛~

點知一飲之下，同小豬媽煲嗰啲簡直係天堂同地獄分別，入口只係覺得超甜(我已經落好少嚟沖)，少少薑味都FEEL唔到，真係勁難食呀！

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================