光明會萬歲

10 OCTOBER 2009 (SAT)

等左三年，終於都等到HOCC再係紅館開演唱會，作為粉絲嘅我，當然一定要去支持...支持吓。已經係用信用卡優先訂飛，不過都要坐尾二行，真係.......唉，不過十月十日係梅姐嘅生日，可以買到依日都算好好啦~

今次約左LULU妹一齊去睇，係未入場時，我地每人都買左支火柴棒入場玩呀~

山頂位嚟講都算好，坐個台正面，前面又冇嘢擋係，都唔錯哦~

等左一陣，開SHOW啦，全場爆滿呀~

因為冇帶單反去，所以影左一兩張之後就全程投入睇SHOW。成晚只可以用兩個字形容~~~勁正，成晚嘅氣氛都好好，邊睇邊興奮，嗌到我喉嚨都沙埋。

係ENCORE部份真係最...最...正，先同草蜢合唱梅姐經典快歌向梅姐致敬後，HOCC再唱新歌『妮歌』，依首歌係為梅姐已唱，聽完之後真係超感動，大家有機會都可以留意依首歌。

睇完SHOW仲有下文，就係買紀念品時間。嘩....勁多人排隊，我地足足排左四十五分鐘先買到，以下就係我嘅戰利品啦~

============================================

感謝 小肥豬 提供以上資料

小肥豬的網誌: http://kinseymama.mysinablog.com/

============================================