9 JUNE 2009 (TUE)
今日返到屋企大堂，見到管理員叔叔帶左口罩，開頭仲以為係佢唔舒服。
點知係等LIFT嘅時候，見到貼左張新MEMO，原來我地個屋苑有住客証實感染左H1N1，真係嚇左一跳。之前又唔見電視有提過，張MEMO又冇講明係邊座，又冇見過有衛生署啲人嚟過，所以都唔好話唔擔心。
於是我一番到屋企，就即刻開電腦睇吓有冇啲資料。好在，唔係我住嗰座出事，咁都冇咁驚。
雖然唔係我地嗰座，但大肥豬都已經下令叫我出入都要帶番個口罩。哈哈…見佢咁緊張，我都會考慮聽吓佢話啦！
依家日日都有新增個案，雖然都係由外地傳入，不過感覺上H1N1好似已經殺到埋身，真係唔希望會有大型爆發機會。一爆發，就好多地方都冇得去，好唔方便呀！
增強抵抗力就會減少感染，所以大家都真係要小心身體啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
