聽日就係LULU妹生日，我已經準備左節目同佢去玩，所以今晚佢就會係我屋企借宿一宵。
就係因為咁，係LULU妹完全唔知情況下，約左小豬爸、小豬媽、細佬同埋女朋友一齊嚟我屋企開小型派對，俾個預祝生日驚喜派對。
當LULU妹入到屋企時，見到小豬爸同小豬媽已經嚟左，見佢個樣都真係好開心呀！哈哈哈~~
我地派對都有好多野食，不過我都係負責幫頭幫尾， 大廚工作都係交由小豬媽負責(因為始終小豬媽煮嘢食好味好多)。雖然係咁，小豬媽邊煮邊教我，我就勁偷師。哈哈~~希望下次可以由我負責煮俾佢地食啦！
好啦...睇吓我地個晚餐先啦！
首先就係蕃茄肉醬嫘絲粉，小豬媽食嗰時先自己MIX埋一齊，咁可以自己鐘意幾多汁都得嘛！
洋蔥黑椒豬扒，一個字......正，又彬又入味，好搶手呀，我都係食左一塊呀！
我都有做嘢呀.....依個豉油雞翼就係我負責，都好好味呀！雞翼始終都係我強項....呵呵呵~
除左雞翼外，我仲整左個大PROJECT，就係依個生果沙津呀！
因為小豬爸好鐘意食沙津，所以一諗起攪派對，當然要整啦。我都好俾心機整呀，下午都係度切..切...切，切粒粒。
整好晒啲餸，人齊晒.....我就拎左個生日蛋糕出嚟俾LULU妹，真係好開心，我地仲影相相添。
講真...雖然生日嗰個唔係我，不過我都真係勁開心，可以一家人開開心心咁食飯，依種感覺真係好鐘意呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
