今日又係初一，即又係我食齋嘅日子。
婚後嘅食齋日，因為大肥豬怕我頭痛煮乜餸俾佢食，所以大多數都係返奶奶屋企食飯，只係叫奶奶煮多碟菜俾我食就得，咁大肥豬都有其他野食啦！
當今晚個晚餐開始時，真係有少少唔好意思，因為我地嘅晚餐真係可以全齋宴，奶奶炒左齋米粉，齋蠔油菜心，同煲左個齋冬瓜湯。今晚樣樣餸都真係好似為我而設，當然都幾開心啦，不過…個心情又幾矛盾，要老爺奶奶佢地陪我食齋，都真係好似有點兒那過。
唉…雖然大肥豬話冇問題，奶奶應該唔介意，不過都係好似唔係幾好咁，我一個人食，冇理由要大家陪嘛！
依家都真係諗緊下次食齋嘅日子去唔去奶奶屋企食飯好啦！好怕又要麻煩大家陪我食齋，老爺奶奶唔介意，但仲有其他屋企人唔知佢地點諗嘛…始終都唔係得我地四個人食飯。
如果唔落去食，又怕奶奶唔鐘意我地少返去食飯(雖然我地一星期最少都有兩日落去食，不過次次奶奶都叫我多D返去食飯~)
點好呢？仲有十五日可以俾我慢慢考慮~~
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
