今日返左小豬媽屋企食飯，因為都有個星期冇見到佢地，同埋當然係做最重要嘅野....派手信啦！
好在....大家都好鐘意我嘅手信，見到佢地咁鐘意，我自己都好開心。
係未開飯之前，小豬爸就捉住大肥豬一整研究點買六合彩。因為小豬爸有朋友借左一本六合彩天書俾佢，佢地兩個係度研究點中大獎，就連開飯都唔理，一直係度傾，依個情景都真係幾好笑。
今晚小豬媽煲左大肥豬最鐘意嘅青紅蘿白湯，真係好正呀！
我地習慣左電視撈飯，當做八點新劇時，我同大肥豬都好驚訝咁問：點解做新劇？
嗰時我地先諗起原來我地有成個星期冇睇電視，套劇都已經大左結局啦！
係依個時候，我地就即刻問小豬爸太極個ENDING係點啦？(因為小豬爸好鐘意睇依D劇種)，小豬爸竟然好嚴肅咁講：太極個大結局咪就係講太極囉！
聽完之後，大家都大笑起嚟，估唔到小豬爸會咁攪笑...哈哈哈~~
當然，笑完之後，小豬爸都講左個ENDING俾我地知。
今晚食飯真係好開心，唔知點解...總覺得個心好WARM呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
