今日學校舉行旅行，今年又有份去，所以我就去左DAY CAMP啦！
依個日營都好似幾大咁，不過因為我要負責做失物認領，所以都冇乜機會四周睇，不過個場地都幾靚，坐係度又幾舒服，但就好晒囉~~最慘就係冇帶傘，變左隻小黑豬咁，又要做番好多美白MASK先得啦！
係失物認領處坐都悶悶地，之後有位工友幫我手頂我嘅工作，所以我就可以走去JOIN埋班同事去BBQ，都幾好玩....有講有笑，不過我就係負責食，冇燒呀！
今日都真係幾過份，食左好多野呀！對一個減肥嘅人嚟講，可以話係極誇張....不過依樣都唔算最過份，我仲俾兩隻大魔鬼引誘左，飲一罐可樂呀，真係超過份呀！雖然係零系可樂，但都有成三個月冇飲過，依次真係又肥死啦！
嚟緊真係要再繼續食少D野先得啦！
雖然今日都唔係太多野做，不過都真係幾倦，今晚真係要早D訓先得啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
