小豬爸依排都唔知仲乜，成日都對股票好有興趣，一路過銀行都會睇下D股市，但佢係冇買呀！
不過依排有好多新股出，咁就大件事啦~~
因為真係差唔多隻隻新股小豬爸都想抽，仲去晒D銀行去拎FORM填。當然填個責任落左係小肥豬新上啦！
依兩個星期我都好似已經填左成六份，由初時好怕填錯，到依家真係填到熟晒，冇辨法啦，又係做女嘅職責之一嘛！
剛剛又用左唔洗三分鐘填好多一份，我一路填小豬爸就不停話隻股好，有錢賺....真係唔知係俾佢笑死定激死呀！
不過剛剛有個唔好嘅消息，就係之前有兩隻新股小豬爸抽唔到呀！唔知係唔係由我依個超級黑仔王填所影響呢？
希望今次小豬爸可以抽到啦！因為我知道佢抽唔係為左賺大錢，只係貪得意玩吓同睇下自己有冇運。
希望嚟緊D抽股結果有好消息啦！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
