話說我年初二已經開始唔係好舒服，把聲都開始變左。
到初四開工都係帶病返工…(費時一開工就請假，好似唔係太好)。
到左放工嗰時終於都頂唔順，去左睇醫生，醫生話我感冒，仲發燒呀！好慘…。醫生都已經開定請假信俾我，佢叫我多D休息…不過我都打算到時先算(拎定冇損失嘛！)。
今日…終於都頂唔順，仲未退燒，所以又要請病假，張醫生紙有得用啦！
今日成日都係訓…食完藥又訓…食完野又訓。
雖然係病，但都有少少開心野，就係大肥豬成日都陪住我，又提我食藥，又睇住我訓覺，佢自己就係我床尾睇書。我都知佢好悶，都有少少感動呀！
仲有一樣野就係LULU妹知我唔舒服，佢一早落街買瘦肉用電飯煲煲粥我食，雖然我係冇乜為口，但佢一番心意，我都有食一碗，味道雖然係淡DD，但佢心意加埋，都唔差呀！
今個新年都真係幾黑…仲連燒都俾我發埋，所以話我今年應該都會幾發呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
