今日係平安夜，我地嘅節目都幾豐富嫁~~
我見之前係朋友仔個BLOG見到朗豪坊D佈置好靚呀！所以同大肥豬食完壽司LUNCH之後，就出發啦~
嘩！真係好多人呀！每一個角落都係人，影相都要排隊先有靚位呀！仲要有好多街外係你D相度出現.....算啦~鬼叫今日係平安夜，不過都有一個好處就係可以容易D叫人幫我影合照嘛！
行左一間商場，我地就開始向尖沙咀海港城出發啦！
年年都想去海港城影相，因為佢地D佈置真係好靚，不過年年都冇機會。好在今年終於可以有得去啦~~
一起到...真係勁多人呀！我地好迫先入到去，想影相又要等，又多人......都幾慘呀！不過個景真係好靚呀！迫D都值得呀！
我地影完相之後，本來諗住搭船....點知俾D警察叔叔封路阻止左，最後都係要搭MTR啦~~冇得浪漫吓哦！
今年平安夜又真係幾平安呀！好早就番到屋企，因為我地兩個都好倦。可能我地都好少行咁多地方，仲有我感覺都大肥豬真係好似唔係太在狀態(可能前排為左個考試真係好辛苦啦~)
不過早D番屋企都好呀，我地都唔係咁鐘意去街嘅人，係條街又多人又嘈，真係有少少怕。
所以我地成日都話始終都係屋企好。
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
