依幾日心情都真係唔係幾好，都唔知係乜事......可能我傻傻地成日亂諗野，影響啦！
不過有一件事攪到我真係超唔開心，心情仲DOWN晒。
事關前兩日，姑媽、姑姐同嘉汶表妹嚟我屋企食飯，食完之後見有DD時間，咪播番嘉汶表妹畢業嗰盒DV睇啦！點知......睇睇吓，我個姑媽突然間講左一句『呀欣，真係幾似大肚婆呀！你依件衫唔好掉呀，留番大肚嗰時著呀！』講完仲不特止，仲要走去電視機圈住我個肚。我之後就話『係呀！我成間房D衫都係留番我大肚時著嫁。』依個時候成屋都靜左一間(好明顯我係有少少黑面)。
我嗰日係著左件娃娃裝嘅雪紡衫，依家好多人都你咁著啦！我都仲未嫁，仲乜話人似大肚婆呀！
人地又唔係真係好肥，我依D係叫小肥是福呀！
你話呀！我又點會開心呀~~好似俾人踏到落地下。
好煩呀！越諗越唔開心呀！
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
