今日終於都去左線面啦~
話說係國慶日嗰日，我地去到摸門釘，見佢係門口個牌話OFFICE HOUR係1:00開，所以我地就今日就算1:00出到去諗住霸頭位~點知原本佢今日係2:30開......真黑仔，次次去都唔順利，我地唯有行吓街等佢開。
我地行到差唔多2:20左右就開始行番去，見到好多人之係嗰間小鋪頭前行來行去，我地估佢都係打算入去修眉或線面，所以我同媽咪都唔理噤多，一於排頭位等佢開門。唔覺唔覺幾分鐘之後已經有成五、六個人排隊啦~真你厲害。
等左一陣，終於到我線面，嗰位阿姐好好人，仲好好攪笑。我媽咪問佢我月尾會去影結婚相，洗唔洗影之前再線面。佢就話：唔洗啦~你結婚前先再來線面，傳統嘅人話女人線面入門，個老公就會大富大貴，你到時先嚟啦~真攪笑。不過真係有少少痛，好似有D嘢咬你，但做完之後塊面真係滑左又白左呀~!
跟著就到媽咪線，佢話佢都未試過，加上爸爸又叫佢一齊去，所以就試吓啦~
我地返到屋企就立刻整番個保濕面膜，兩母女一齊去扮靚靚嘛。
不過真係好多人，我地走嗰時仲有好多人排緊修眉同線面，一間細少鋪頭，有噤多人等，真係勁呀!
============================================
感謝 小肥豬 提供以上資料
小肥豬的網誌: http://kinseymama.mysinablog.com/
============================================
