聖誕及生日禮物 DIY leather workshop 自製銀包 男友

聖誕及生日禮物 DIY leather workshop 自製銀包 男友

我想送聖誕禮物同生日禮物比我男朋友呀~
但我又唔係好知送咩好~
我想送d有紀念性ge野比佢呀~因為我想佢記得我呀,仲想佢開心呀~
我好想出去同佢玩~但又唔知去邊好~佢又唔係咁鍾意出街,也不喜歡同人迫,有咩好建議呀?
聖誕和生日禮物,仲有去街,有咩好建議呀?
唔該你地~thx

其實想佢難忘唔一定貴在禮物落手腳

點樣去送你份禮物都好重要架!!

整幾樣禮物俾佢

有食得既~

有擺得既~

有用得既~(即係銀包等等)

實冇走雞又夠豐富啦~~

送完一樣又一樣~等佢好似中獎咁~~

例如:首先整個蛋糕送俾佢~

食完之後先話俾佢知其實仲有禮物收架~~

跟住就送銀包俾佢~

等佢開心完一輪,再同佢講~其實仲有禮物送俾你架~

最後就送D自己整既,好有心意既禮物,例如一本入滿晒你地影既相既相簿(有晒DESCRIPTION,感想)

佢唔止開心~仲有驚喜添~

WORK架~因為我試過~

——————————————————————————————————–

經濟版聖誕好去處:

1.尖沙咀睇燈飾+海港城食聖誕餐 (可以欣賞中環夜景)

2.中環皇后象廣場+ 快餐店食聖誕餐 (可以欣賞尖沙咀夜景)

3.山頂快餐店食野+凌霄閣頂樓欣賞夜景

4.觀塘APM商場特式餐廳食聖誕餐+聖誕倒數 (熱閙之選)

5.灣仔灣景國際賓館 (YMCA) 食自助餐 (餐廳可望維景+比酒店平)

6.尖沙咀 YMCA (文化中心對面) 食自助餐 (餐廳可望尖沙咀燈飾+比酒店平)

7.大嶼山銀鑛灣酒店住宿+食聖誕餐 (浪漫之選)

8.長洲華威酒店住宿 (現有套票包雙人早餐)+長洲餐廳食聖誕餐

9.南Ｙ島漫步+南Ｙ島特式餐廳食聖誕餐(浪漫之選)

10.愉景灣漫步+特式餐廳食聖誕餐(浪漫之選)

————————————————————————————————

皮革教室

 

喜歡手袋的款式但沒有心水顏色？ 新買的斜背袋，又嫌間隔不夠實用？相信買過皮革的人，都有過同樣經歷。皮革手作坊的老闆，正是因買不到適合皮袋而萌生DIY念 頭，怎料一試便愛上。磨練半年，就由皮革迷升級「開心果」教師，在廠廈租工作室滿足創作慾，接訂單的同時，開速成班教授基本技巧，讓皮友們由零開始體驗皮 革工藝，以一堂過完成自家作品做噱頭。小班教學加上全手工製造的課堂模式，深受講求獨特及心意的學生歡迎，聖誕新年旺季，預約日日爆滿。

上週六下午一點，Melody來到 leather workshop上堂，隨即招呼道：「揀咗料先啦。」見她在三十幾款皮革面前心大心細，便提議：「做銀包最好揀軟硬適中的皮，而且深啡色好適合男 仔，相信你男朋友會鍾意。」另外，和朋友Cindy都是第二次來的Emily一進門便熟絡地說：「上次做的電話套老公好鍾意呀，我今次想做個手抓包呀，那 塊桃紅色的皮還在吧？。」「放心，還在。根據你想要的size，裁成42×22厘米就夠啦。」。

選好皮料後， Melody逐一拆解的錢包結構開始裁割，Emily和Cindy就開始打磨皮料，「仔細塗上底油，再用磨砂棒用力刮平皮碎。」然後用菱斬在皮上 鑿細孔，眼見Emily太用力，即捉着她的手教路，「只要用力平均有節奏，兩下就穿啦，阿醒。」靈機一觸的打趣引得哄堂大笑，旁邊的「緊張大師」 Melody也輕鬆起來，「我哋用雙針一線法，上面支針落去，下面支針同一個孔上來，然後拉緊，三個步驟啫，好簡單，不要咁緊張。」Melody照辦煮 碗，將邊位縫合好檢查，「好叻喎，啲線縫得又緊又直，你終於開竅啦，哈哈。」再經過黏合，加鈕釦或打字的裝飾，四、五個小時後，一個手抓包，一個腰 袋，兩個銀包先後完成。「人少少上堂，溝通充分，吸收快得多。仲可以即刻拿走件product，滿足感好大。」Emily滿意地說，她已計劃情人節前再來 做個相機袋送給老公。

一日速成皮革班

知道香港目前皮革班不多，有網頁設計底子的特意用leather workshop命名網址。只要在網上搜尋leather workshop或皮革課程， 網站都在首位。按照用料、時間及難度，將課程類型分成五級，定價四百至千一，包括材料及借用工具。初級班可製作鎖匙包、卡套等，一般只需四小時完 成。最多人選擇製作的錢包則需六至七小時，視款式難度而定價。

與其他皮革班分時段分主題的課程不同，最大賣點是彈性上堂、一日學會，方便趕做禮物的學生。難度達三級以上的課程如錢包、相機袋，會從十二點開始，基 礎課程如卡套、散紙包等則可延遲一至兩小時，全部一堂過包學會兼帶走成品。平日若有學生希望放工後再上堂，「七點以後都得，但就最少兩人， 及只限基礎課程。」

每個學生完成作品後，親自幫他們影相并加上標誌，即時擺上facebook和網頁，既可滿足學生的分享心理，又可作樣板宣傳，一舉兩得。「試過 有兩pair學生互不認識，但上堂過程中閒聊才發現，都是因為見到同一個朋友在facebook嘅相，搵到的。」笑言，毋須專門買網上關鍵 字，facebook已成為免費推銷工具。

三十多款皮料任選

裁割、打磨、鑿孔、縫製、黏合、裝飾，每一步都親自示範，并讓學生親身體驗，「一個銀包，想擺相片，又要多卡位，仲要有散紙包，只有親手去設計和製造 才能滿足自己貪心的要求。」不主張生搬書本或圖片，也不會規定每堂內容，「幾個學生做不同嘅嘢，還可 以互相討論甚至『抄橋』，靈感會多好多，過程亦更開心。」

號稱由零開始，提供三十多款不同厚度、顏色及花紋的皮料，學生通常最看重顏色選擇，不同厚度的皮革適合做什麼類型的皮製品就要靠她去講解：「厚1.2 至1.6毫米的皮最通用，太厚的只適合做背帶或裝飾，不然打孔和縫製過程就會很費時很辛苦。」工作坊最大的開銷是購買皮革，成本達兩成 半。

目前在深水埗及旺角有三間相熟的皮革商，最常用的如黑色、咖啡色令面皮會保持每月入貨。

明白學員喜歡多選擇的心理，更自封「線王」，從網上訂購二十多種顏色的編織蠟線作為皮革線，比起麻線，蠟線的成本平一半，顏色種類更多，而且更耐磨耐用。「就算學生選擇一樣顏色的皮，不同顏色的線都可以帶出不同的風格。」

起花名氹學生

從皮革迷升級做導師，除了會做還要會教。自稱天生健談，與學生如朋友般相處，耐心比嚴厲更能收買人心，「學生俾錢來上堂，都係想買開心，過程愉快，下 次才會想再來。」經常靈機一觸幫學生起花名，「記性差啲嘅叫阿醒，動作大的就可以叫大力，氣氛即時活潑好多。」另外，適時的鼓勵也重要。於是，「好叻 呀！」「醒目啊！」「完全唔似是第一次接觸皮革喎！」會被經常掛在嘴邊。

玩笑歸玩笑，該嚴謹的地方總要有「老師樣」。鑿孔、縫線、打字，這些難度較高的步驟，讓學生先在裁剩的皮碎上練習，教導如鑿孔在一條直線等的技巧。 每完成一步亦會檢查，以便及時修補，「如果連線都縫得唔直、邊都黏得唔齊，擺上網就會拆招牌o架啦。」要求嚴格都是為了聲譽。

全職革人

接觸皮革不過一年光景，當時辭去貿易生意職務，因為太悶想自己「搞生意」，恰巧最要好的朋友正在自學皮革，眼見割、釘、縫、黏，全是簡單手作， 皮革又有不同色澤及軟硬度，可以自由發揮及處理，於是便想一償夙願——自製一個符合自己對間隔、款式及顏色要求的皮袋，第一個「既可出街，又可見客」的 袋，花了兩個星期完成，自此一發不可收拾，現用的錢包、卡套、相機袋全部自家製作。

自家出品「出得廳堂」，身邊朋友紛紛要求「教路」，加上終日在家敲敲鑿鑿受父母投訴噪音，索性於半年前租下附近廠廈一間板間房，買齊二手枱凳，從網上訂購四套基本工具，購入六千元皮料便開張，從此擁有自家工作坊踏上「育人」之路。

此外，從網上接單，宣傳自家品牌，每月做卡套、錢包及旅行袋等十余件。

初次創業已花去大半積蓄，坦言籌備時也曾膽怯，不敢有「玩票」心態，做好半年蝕本期的心理準備，慶幸同行競爭小，開業首月已見盈利，至聖誕月達到高 峰，「前景很難預計，未來一年都會主力教班，省靚招牌，希望有朝一日可以開鋪賣產品。」野心不大的平淡地說。

 

文章來源: 一週刊

如想親手製作自己獨一無二銀包, 可參加handsbox 工作坊:

手縫牛皮短銀包工作坊
日期: 由您選擇
時間: 由您選擇 全日24小時,但必須預約!
製作時間: 大約6小時 (可一次或分兩次完成)
價格: $850 (對褶) $1050 (三頁)

報名方法:

handsbox e-mail: handsbox@gmail.com
handsbox tel: 60374474
handsbox shop:
荔枝角 豐華工業大廈 1樓 D1室
handsbox web: http://handsbox.shopping.fashionsky.hk/

============================================

感謝 handsbox 提供以上資料

handsbox的網誌: http://blogs.elle.com.hk/handsbox/

============================================