參觀法蘭克福消防局

為避免爭廁所，我再早少少起身，

一齊食埋野就跟佢工了。嘿嘿！

因為友人係老師,
而個日係佢負責的一班搞outing，

起參觀法蘭克福消防局，

問我有無興趣， 我當然有！
**呢D唔係平時你話想去就得嘛,要申請ga~ 依家有得扯衫尾, 當然痴住去。

一班只有九至十歲的學生，

係火車站集合，居然無人遲到，

有好多都唔需要家長帶自己識去，真係獨立。

友人的班有廿二人，有一個病了，

即當日廿一人，又，全班只有三個女仔（兩個仲要係孖生的）。

可以想像到，有十八隻甩繩馬騮，

一個老師當然舞班精力旺盛的��仔唔掂，

同行仲有佢個位穿左鼻環同舌環的紅髮美術女老師。

而我，班學生們對我好好奇, 嘰嘰喳喳問我好多問題,
但我唔知佢地講乜, 因為佢地英文程度仍然有限。
**不過有個叫 William的男仔, 佢超靚仔, 同我有兩句講下足球,都係雞同鴨講,
因為我同阿叔一樣都喜歡德國隊(鐘意左至少八年)。
金髮再配埋大大對藍眼, 而且佢係XXXX青少年隊球員,
他朝一日, 佢做左球星, 我同佢的合照就嘿嘿嘿嘿嘿啦!!(金魚婆上身)*

由於落過雨，天氣都幾凍，

有個學生見我發冷，俾件褸我著，

但, 居然太大件。

無錯，個十歲女仔係已經高過我同心口大過我。

究竟發生咩事？

我雖然細粒，但絕非小儀咁款，
係法國我都唔算特別細粒,
但係德國D人點解咁大份?

佢地究竟食咩野大？

成班有一半+係高過我(!!)
我直頭哈比人咁款。

有個男同學好好人, 叫Thomas, 又是俊男一名但係全班最細粒的男仔,
佢亦係全班英文最好一位,
因為佢爸爸係英國人, 佢只係德國住了幾個月,
佢安慰我話等我大個D就會岩著(!!)
嗚..... 原來佢地以為我同佢地差唔多大。真係喊出黎!

我於是好無奈咁講: But I am done of growing.
佢眼都跌埋出來咁滯, 再用德文話俾佢全班同學知(PK, 全月台D人都望住我),
佢竟然已經無得再大啦! (係呀, 吹咩?=__=)
嗚..... 嗚......
佢地用有限英語問我幾大個,
救命! 我話同你地個班主任同年囉。
佢地又是一臉驚訝!(T__T)


當日火車又有延誤,
差唔多12點先去到消防局,
消防局話事人大隻到應該可以一隻手就拎起我,
佢帶我地四圍參觀, 講解。

而我, 100%完全聽唔明佢講乜,
友人同佢同事都唔得閒應酬我,
好彩有Thomas, 佢幾乎全部都翻譯晒英文俾我知做緊咩。
佢超級有風度, 又靚仔, 大個一定溝死女,
例如, 行去消防局時見我凍佢俾左佢件風褸我著,
每次要開門的地方, 佢一定去開門之後同我講"LADY FIRST",
總之就係超級細心又有風度啦。
除左翻譯, 其餘時間就係同佢幾個老死玩啦,
而佢班老死一樣係好鐘意痴住我團團轉, 超可愛!
仲請我食零食(!!) 係, 佢地班細路個個都帶住數之不盡的零食。


佢地試玩左雲梯, 水槍同埋個條柱,
仲可以俾晒咁多架車佢地上去坐,
真係盡興而歸。


最開心係咩?
就係因為遲左到達,
所以老師決定走之前可以一齊去火車站間老麥買野食,
佢地開心到好似執到金一樣!!!
個個都猛問, 陣間坐車返去時可唔可以同佢地一齊坐, 嘿嘿~~
我咁大個女都未試過咁受歡迎。

班小朋友好搞笑, 係地鐵見到個男仔帶住塊滑板就成班圍住人,
叫人露兩手, 而佢, 又真係露ga wor!!
仲有, 見到塗鴉都好興奮, 狂影相! 笑死我~~

呢一日, 我係學識了幾句德文,
包括講得最多的: Schnell Gehen!!
意思係行快D, 我成日都要幫手趕鴨仔咁叫佢地行快D,
以免有人失散。

完成左一日行程, 返學校附近火車站就散水,
學生都未走得晒紅髮老師立即呼吸一下 (煙仔) (!!)

朋友帶了我學校參觀下~yeah!!