我終於返o黎啦, 其實都落左機一日多d,
但長途機真係好攰ga,
又要執返好d行李,
所以都未得閒整理d旅行相,
今日就短短地打住一篇啦!
**係咪好cute呢??? 我買俾表哥個女ga!! 佢依家認得表姑姐啦, 佢地仲話團拜個日B女問我個妹"吹泡泡o個個去左邊?" hehehe...... 咁有我心, 抵我買禮物俾佢!! 但去旅行又好鬼驚買到made in china o既野, 好彩!! 揀d個樣無咁靚o既就無死啦, 呢個不是made in china喔!! 呵呵~~**
呢個墨爾本trip本來我真係打算一個人去玩,
因為book機票時個妹又話未知新年時會去邊,
當時同鬼仔又冷戰, 唔想搵佢, 同埋佢無假。(哼!!)
聖誕節前一個星期book了機票,
其實都貴貴地ga, 但真係好想離開香港幾日,
跟住想book先醒起, 係喎連visa都未apply。
好彩, 澳洲o既旅行簽證可以上網搞 + 上網俾錢,
$120蚊一年簽證, 十分鐘都唔洗就搞掂, 連證件相都唔洗,
超有效率!!
![]()
等轉機....夠紅, 有新年氣氛!哈哈~馬來西亞D海關好搞笑, 係到扮認唔到我護照張相, 又要我撥起d頭髮, 之後先笑笑口話: you became more beautiful now! 哈哈~~ 拍得住上年荷蘭o既海關!
澳洲海關都好搞笑, 見到我個名有個字o既音同kung hey fat choy似, 同我講, hello MS. XXX...XXXX FOR KUNG HEY FAT CHOY! XD
邊似得美國佬又要人專程去科水 (千幾蚊),
上網填完一大輪野又要我請半日假去領事館搞呢搞路,
仲要過幾日先俾返本護照我ga! (哼)
D死人海關又煩又多野問, 乞人憎到死!!
好明顯係因為美國佬得罪人多囉~~所以驚人恐襲! : P
一路到一月中先上網去睇下酒店(!!)
嘩, D酒店貴到癲, 最後我諗住一個人就cheap cheap地book左間budget hotel,
地點非常方便, 而且可以唔洗幾個人一間房,
胰好個晚做緊特價, double bed 仲平過single bed,
心諗可以一個人獨攬大床, 話唔定我去到有艷遇呢 (小姐, 你想太多了!),
於是就book左雙人房, 仲要有free wifi,
唯一唔好處係呢間budget hotel是shared bathroom的,
不過諗住一條友, 是Q但啦, 我唔會淨著毛巾返入房咁白痴, 應該無事o既!!
到出發前幾日, 個妹話佢新年時有假,
(佢係澳洲working holiday)
可以由布里斯本過o黎墨爾本, yeah!!!
就係咁, 我旨意晒佢帶我去玩去食去癲去威,
乜都無準備, 就咁帶個人去。
而我o既惡夢, 就開始啦!!
事關佢listed左一大堆野俾我帶過去,
包括 -- 130'C防曬 x 10枝!!! 仲有一堆疤痕膏呀之類o既無聊野,
不過算, 佢話係幫d當地的台灣朋友買,
反正我個喼好吉!
另外, 就係我媽咪千叮萬囑我要買青邊鮑返去(!!)
總之, 我直到出發都只係覺得自己去做速遞, 並非去玩。
我不斷問自己買機票時究竟諗乜。。。。。。
新一年, 我就好似呢d馬仔咁, 周圍走啦~~
馬年目標係要盡快變返白, 事關我三月要去做姊妹,
依家曬到成個泰妹咁返o黎, 嗚....................
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
