剛Update完又有新post,
係咪以為我撞邪呢??
剛剛睇完法蘭西多士vs尼日利亞,
又未夠鐘睇下一場, 所以就打一篇啦!! haha~~
五月去了法德, 第一站是去巴黎,
幾年無去巴黎了,
對上一次係第一次同鬼仔去旅行,
其實本來無諗住去......
話說之前去台北時,
有晚小友同佢法藉打令講電話時掛住睇電視,
於是將個電話Pass俾我同佢男友傾左陣(!!)
因為我都識佢男友,
又見我學過法文 (勁屎個隻),
所以佢對我印象不錯掛?
講講下, 我話我就快辭職啦,
話會去德國探下朋友,
佢二話不說話來歐洲如果我去巴黎可以去佢家住!!
有得慳酒店錢, 我當然卻之不恭啦! hehe~~~
五月初, 佢來香港探小友時又再見面,
本來佢打算帶我去佢家鄉玩兩日,
但最後佢因為之前放完大假,
公司多野做, 佢連星期六日都要係家中on duty。
(好慘, 佢有晚明明去朋友家人玩, 個client一個e-mail,
佢零晨兩點仆返屋企做到四點。邊個話法國人懶??)
我都唔好意思煩到人, 我大個女啦! 識自己搵節目。
每日玩完返屋企都有人煮埋我飯, 邊到搵咁筍o既room service?
份量好少嗎?? 幾時都話我 eat like a bird! haha~
其實已非常感謝佢同佢室友連日來的照顧,
諗下, 每日都有兩個男人服侍我,
又煮野食, 睇電視唔明又做埋我翻譯,
一齊睇波, 做埋我人肉地圖,
幫我買埋地鐵飛, 車飛, 提供旅遊情報,
更唔介意我甩到佢地一屋頭髮,
清潔埋地方, 每晚都幫我手搬床俾我訓 (因為我訓廳),
實在太好人了!!
日頭個廳係咁
我訓時就係咁
呢份map, 係paris係我必須品, 咁樣就無咁易迷路,
雖則係咁, 我都有幾次要問人路, 通常我會揀d男人問...
d法男好鬼熱心教路, 有個仲帶埋我去咁滯!haha~~
呢張係我於paris 的地鐵票, 通常D人會買唔記得咩名, 10張飛個種,
但我應該唔夠用, 加上法仔話呢d係搵遊客笨,
於是帶我去地鐵站幫我買呢種,
一星期任用 (其實應該要貼相, 但我無帶相去貼)
再來, 我係社拜轉機去法國時,
係機上識左個北京女仔,
佢剛畢業, 準備工作前來個畢業旅行,
法國讀書的朋友一樣唔得閒,
所以都係一個人玩,
於是我地就約埋一齊玩了三日。
雖然, 佢喜歡一早就出動而且要一日去好多景點,
行到我腳都痛。
呢樣我理解, 始終內地人去歐洲要好多手續,
好似入境時, 法國海關只問了我係做咩, 仲同我講"bon voyage!",
而佢就被人問左一陣, 仲要Show晒所有文件同火車飛回程機票,
加上佢又係第一次去歐洲, 唔知幾時有機會再去,
所以想一次過去晒D景點。
而且, 可能同內地一孩政策有關,
佢都係比較細路女,
加上我唔係第一次來, 又識少少法文,
好多時都點我去問呢問路,
但, 我咪當湊住個妹囉~~
有個伴都唔錯,
因為如果唔係佢, 我可能懶根大發, 街都懶得出。
**唯可惜最後一日因為我被人偷野而掃興。
最後, 因為之前來港玩的德國朋友係巴黎工作,
可以係巴黎見面, 係外地見到自己朋友,
真係好開心的!!
佢仲有得帶我免費去Musee du Louvre, 益左我。 哈哈!!
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
