雖然已習慣一個人旅行行走江湖,
但其實以前每次落地後都有人同我玩,
唔洗擔心咁多,
但係, 今次落機後要自己去友人屋企 (因為友人返工),
又要自己搵節目, 有d唔慣tim。
是次旅行, 只係帶細喼, 因為要搬o黎搬去,
如何將幾個星期o既衣物個人用品都塞入個細喼呢??
友人send左呢條片俾我:
真係好厲害呀!!
但完全係不適用於我囉!!
首先, 今次之行衣物已經係唔多,
如果都咁搞法, 我每拎一件衣物咪又有排搞??
第二 -- 佢唔係女人,
已經無左我呢家要帶m巾o既煩惱,
唔知點解, 最近4次都係上機前一日生理期, 好陰公!!
第三, 都係佢唔係女人, 唔洗帶d咩護膚品, 化妝品,
okay, 你可以話唔係個個女仔都咁姿整,
咁至少你都要著bra啦掛?? 佢一個都唔洗帶, 又慳返d位了!
第四-- 我唔係口賤, 但你都有眼睇佢有幾多頭髮。
佢連洗頭水/ 吹筒都可以慳返! 但我唔得嘛,
好多外國人都係用2in1洗頭水, 我相信我d朋友都係,
而且, 仲要係男士個種, 唔o岩我o既。
至於我, 今次有d地方係會住男仔朋友屋企,
以我以前旅行短住過其他男生家中的經驗,
無風筒, 係唔出奇!
好似上次去台北, 我問個英國朋友有冇風筒, 如果唔係我自己帶,
佢竟然同我講:
I think your blanket is more important than your hair dryer.
即被我同同行友人話佢完全唔了解女生,
特別我呢D咁長頭髮 (剛剪了三吋), 個頭無返兩個幾鐘都唔洗旨意乾。
仲有內衣褲呢, 我接受唔到自己幾乎一個月都著紙底褲囉....
救命, 講完我先醒起到時要係人地屋企洗衫, d底底晾去邊???
而衣物, 我雖然不多, 但真係唔可以好似媽咪話齋帶d唔會再著o既舊衫去。
我有朋友試過咁樣, 次之後成個旅行的相都唔敢post上網同自己曬出o黎,
因為太似乞兒! 仲要似到係機場過夜後醒來有好心人放低餅干, 香蕉同水俾佢。
大佬, 旅行還是要見人的!
(咁樣係咪好有港女feel???)
好, 講完呢d野, 我陣間就執行李啦。
死未? 今晚飛, 依家都未搞.......
btw, 我覺得呢個人執野同我好似喎, 哈哈!!
放假一個幾星期, 搞左d乜??
幾乎日日都出街呢。
有貓抓板, 佢地好鐘意, 唔好再抓牆啦please
唉....house plants全被搬出窗台外...
媽媽節, 同老表們仲有姨媽舅母一齊飲茶食晚飯,
當然晚飯我又要充當姨丈的陪酒。
媽咪今年又自己買了耳環, 再叫我同d妹科水,
真係好easy呀!! 嘿嘿....
表哥的囡囡, 呢個唔係你o既生日蛋糕喎!! haha
跟友人晚飯前, 一齊去了行上海街, 友人大有斬獲!
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
