唔經唔覺又踏入左十一月,
呢一年點解好似好快就過完咁??
我都已物色左新一年o既schedule, 呵呵~~
十月最後一星期,
做左d乜?
咪又係返工囉,
Halloween都無去玩呀!
當日有客人來開會, 派糖俾大家。
另外兩粒已經一早食左, 哈哈~
仲有, 友人送來的花茶,
帶回公司一試, 好香丫,
可以話係苦中作樂(!!)
更苦中作樂o既係,
一齊係whatsapp group 開心share自己公司張檯 (大家都好無聊),
我真係好驚訝朋友們居然話我張檯好整齊.....
翌日, 我manager出trip時我偷影左佢張檯俾佢地見識一下咩叫整齊。
佢地不禁話: 佩服!! (因為幾乎係乜都無咁滯, 佢有強迫症, 勁愛整潔)
仲有, 星期五食左久違了的米線,
食完之後唔知做咩第二朝起身又好想好想好想再食,
於是一個人去左買花時順便食埋(!)
我未試過一個人出去食野,
但同一檯都已有兩人係一個食,
所以都無咩野! :P
買花, 我遲d真係要寫我種花o既感想,
因為種野真係好講耐性。
有樣野想講,
早幾日做左個電話調查,
(如果係大學調查/ 熟悉的機構做, 我都會幫下人)
問我咩港鐵之類, 有條問加幅合唔合理,
我緊係話唔應該加啦!
依家乜Q都加價, 但質素又唔見得好喎,
你話係咪唔合理先?
就好似我食呢個茶餐.
已經加到成$40幾。
仲要個麵超難食,
口感似食緊橡根.....
同埸有同事叫了通粉, 都一樣好難食。
又, 我諗最低工資後應該難請人,
所以多左好多新移民啦,
新移民肯做野, 我係唔會歧視o既,
但可否教下佢地港人o既茶記語言??
是咁的, 最近公司附近間茶記,
同一個侍應, 落親單都總有一樣野佢係錯,
就係 -- 鴛鴦!
我有位同事鐘意「鴦走」,
第一次時, 發生以下對話。
阿姐: 飲咩?
同事: 鴦走唔該
阿姐: 下? 咩走?
同事: 鴛走
阿姐: 走咩呀? (唔耐煩)
同事: 無野啦, 熱鴛啦!
點知都係o黎錯......
第二次, 佢都仲係未識咩鴦走咁款, 怕左佢, 我同事已叫熱鴦!
點知又o黎錯, 又要另一個醒目d o既侍應換...
而最近一次我去叫,
同一個女人,
叫返我天熱時叫o既「凍鴦」,
佢都居然落左凍啡俾我,
真係俾佢吹漲!
我懷疑, 佢可能唔識個鴦字....
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
