最近兩個星期都係HAPPY FRIDAY~~
點HAPPY?
相信無野Happy得過同朋友行街街有斬獲,
而且仲可以同朋友食飯聚舊啦掛??
上星期五同朋友去了TST食韓燒,
27樓高, 可以見到夜景, 不錯~
服務同食物都好好, 環境舒適, 抽風好, 食完唔會好大陣味! 哈哈~
再來, 呢個星期朋友去我同另一個朋友工作地附近見客,
剛好可以約係三人中間收工去食飯, 後加一個路經的朋友,
本來搵左間cafe想試下, 但原來已經執左(!!)
唯有行下睇下有咩食啦,
行過一棟工廈, 有間野個餐牌放係到,
叫Le coin cuisine於是上去睇下。
地方幾ga大, 加上夜晚個到無咩人,
靜靜地食飯~~
真係好開心, 呢個組合好少有,
因為自從英倫遊之後我地幾個要成年先一齊食一次飯,
依家幾個係齊香港工作可以多D見面。
係咪好似包左埸呀??
除左個湯, 每道我地都好滿意~~
個甜品係檸檬意大利奶凍, 好清新又唔漏!
點解我地唔鐘意個湯呢?
初初我朋友落糖入去時我仲話: 你做咩要咁做?
佢就細細聲話: 你都落d啦, 好味d ga!
我話: 痴線~ (繼續一邊包一邊湯, 無事)
但食完個包, 我就明白點解要落糖吊返d味~~
佢唔知點解好酸同好杰(意大利菜湯)。
如是者, 另一個朋友都係要落糖......
而最遲到個位, 反而覺得無事,
加上我地發現佢個湯係無我地咁杰,
我地猜想侍應可能見到我地三個咁做而叫廚房改善左掛。
(因為當時無其他人, 好靜, 我地講野佢應該會聽到)
由於下年有朋友要結婚,
去左試姊妹裙,
我驚訝地發現條腰比以前粗左,
應該係同我每晚都飲啤酒/白酒有關,
雖然個人同身都係差唔多,
但我以前最自豪o既腰呀!!!
實在唔可以唔理~~
一定要戒每日飲啤酒呢個習慣,
更要扭返呼啦圈 -- 以前成日扭。
首先, 我決定嘗星期六, 日進行辟穀,
唔知大家有冇聽過或試過呢??
我淨係聽過, 未試過。
等我上wiki搵出個解釋o黎俾大家睇下先:
「辟穀是
道士用來修身的一種方法，通常在辟穀期間，不吃用火烹制的食物，只喝
水和吃一些天然的食物，如
桑椹，
黃精等。另外，在許多其他的
宗教中也存在相似的修身方法，比如
藏傳佛教。」
![]()
今日暫時開始了半天,
早及午餐都只食了生果 + 飲水,
大便次數多左 (平日都早晚一次)!!
我希望可以先排清一下d毒素,
再keep住健康飲食 (平日都係健康o既),
同戒飲酒可以有返條腰啦! 嗚........
============================================
感謝 Little Sweet Pie 提供以上資料
Little Sweet Pie的網誌: http://littlesweetpie.blogspot.hk/
============================================
