「允升」芒果糯米滋好夠火 長洲大魚蛋全街都有 飲飲食食在長洲

朋友問我:「長洲有咩好食?」我想找回長洲飲食的網誌給他看, 誰知我今天才發現, 早前寫好了的飲飲食食長洲篇, 竟然沒有放出來, 哈!! 人老了, 失憶嗎 ?  現在補發.

長洲覓食團!! 第一站阿太說:「去允升甜品...大熱...人人嚟長洲必食架.」. 因為怕人太多, 等候需時, 所以, 我叫她們先去排隊, 而我當然就是在沿途的「郭錦記餅店」進行例牌動作, 買平安包吧!! 

我來長洲只光顧「郭錦記」, 原因4年前J2的飲食男女訪問過老闆, 知道他的故事, 所以對他特別鍾情, 不過, 近兩年也不見老闆了, 我問女店員老闆去了那 ? 她答:「無出嚟呀!!」

女店員好奇阿太及阿囝為何走得那麼急, 我說趕食「芒果糯米糍」喎, 她說:「允升呀? (妳點知? 妳有冇食過呀?)哈!! 人人都話去食架啦, 好唔好食....我就覺得許留山仲好食好多.....」吓...

由「郭錦記」行去「允升」不需2分鐘就到, 門外己經聚滿年青人在排隊, 店內坐無虛席, 嘩!! 真的如此美味 ? 大約5分鐘左右, 我們可以入坐了, 第一時間點了芒果糯米滋!

糯米滋外層沒有椰絲, 真的合我心意, 最怕食得滿嘴是可惡的椰絲, 糯米滋皮薄又不會過於煙韌,內層的芒果超大超肥美, 足料是事實, 大大塊芒果塞進糯米滋.抵食.

不過店內寫明芒果糯米滋只限外賣, (老闆幾好火, 直率又老實不客氣, 偏偏人就是有被虐狂愛被罵, 才喜歡來「允升」吧!!)

吃完糖水, 我們又繼續向前行, 走到一門「餅店」, 聞得很香的多士味, 於是我又即時慶起買了一個芝士飛碟, 不過老闆說:「要等大約5分鐘左右, O唔OK?」當然無問題, 即叫造即造, 更加好味道吧!! 結果真的芝士溶入麵包內加上牛油香, 好食.

天時暑熱, 阿囝本來想買雪糕食, 但我們看到一間名為「開心士多」門前有一串串的菠蘿冰, 於是又走去試試, 阿囝一大口一大口吃得津津有味, 引得我本來不想吃的也嘗了一口, 唔....太冰, 如果想食菠蘿, 還是正正常常買個菠蘿回家吃最好.

最後本來想去食「甘永泰」的丸丸, 估不到去年趕不及, 今年5時左右一樣「摸門釘」, 已經7年未有機會再吃了, 極度懷念!! 於是我們過了對面「東源」買了兩粒大魚蛋.

大魚蛋全長洲也在賣, 不知那檔真正是始作俑者, 於是靠運氣, 看到這店有明星合照就來一試. 不過還是覺得一般一般, 真的只有一個大字.

輕輕鬆鬆又食完一次長洲之旅!! 找天放假要再來長洲飲飲食食先得.