而家想講多DD 關於點搵圖書 "AUDIO" 版本自製AUDIO BOOKS
希望大家覺得有用~
![]()
其實"AUDIO BOOKS"應該係指只有AUDIO 冇書本, 只係靠聽就明白,
(NATIVE SPEAKERS 當然係冇問題, HARRY POTTER等小說都有AUDIO 版本的, 聽幾個鐘)
呢個都係我推行希望工程o既終極目標!!
希望小齊都有一日可以齋聽唔睇都明白AUDIO BOOKS o既內容,
但係暫時因應小齊o既語文學習程度, 同埋想同時培養埋閱讀習慣, 我地會一路聽一路睇
敗家媽媽講o既 AUDIO BOOKS 係 = 圖書 + AUDIO 音頻
圖書呢就基本上唔難搵, 有錢有地方可買, 想慳錢慳位又可以借
我地都借唔少圖書咖, 圖書館o既附CD audio books只要搵"accompanying materials" ("兒童外借附件") 就有好多
但係有好多書其實圖書館並冇購入AUDIO 版本,
原因可能係呢D唔係套裝書
又或者因為AUDIO BOOKS 比較貴, 圖書館照顧讀者"眼睇"o既需要先
咁呢個時候呢就要自己出力搵下有冇AUDIO 版本了
JYBOOKS o既AUDIO BOOKS 幾多幾齊, 不過運費貴, 唔係太方便
淘寶上都有唔少賣套裝AUDIO BOOKS o既店,
keyword 打作家/出版社 + "有聲書" 已經搵到唔少, 但要比運費, 一批一批咁買比較划算;
FISHPOND 都係一個唔錯o既選擇, 我買DVD BOOKS 多數都係o係佢度買
免運費相當唔錯, 一本一本咁買都冇所謂, 最方便
搵童書的話去CHILDREN 果邊揀返適合年齡就會有好多書o既AUDIO版本揀
小齊而家都係聽0-4歲, under 5 yrs o既audio books
敗家媽媽暫時有o係audible.com買, 未試過o係 audiobooks.com買
因為我買o既audio books 都係童書, 幾分鐘貨仔,
好似獨立買rather than 比月費抵d
audible.com 就有得散買
童書audio 比較相宜, 多數都係20蚊港紙之內有交易,
唔知啱唔啱程度或者驚錄音quality 唔好仲可以試聽!
click "play audio sample" 就有得聽, audible 都幾闊佬的, 6-7分鐘o既錄音有時可以試聽5分鐘的!!
而且好多書o既audio 都會搵到, 好似 fancy nancy 系列咁, 圖書館只有一本有audio 版,
但呢度就幾乎有齊咁滯, 而且好新o既書都有!
咁就可以同屋企買左o既 fancy nancy 書湊對~
買書過程好簡易, 有credit card 就ok,
買左之後 login 返自己account就會o係library 見到
仲有好大o既方便之處係audible 有ipad, iphone, android 版, 裝左apps 之後o係ipad/手機都可以login 返自己account, 買左o既audio 就可以隨時聽到, 變左o係街都可以聽, 方便媽媽聽一次預習下
o係街度亦可以睇定有咩audio books 啱小齊, 作為上班族媽媽一定要充分利用每日o既travelling time 做下呢d o野, 唔係時間好唔夠用呢!
![]()
多得有咁多資源, 令我覺得推行希望工程計畫都唔係咁難,
而且有呢d online resources 咁網上買audio + 圖書館借書, 比起買套裝書咁推行上o黎仲平左
因為買套裝 audio books 都幾貴的, 閒閒地過百蚊聽幾分鐘,
不過以第一年推行o黎計呢, 我都suggest 要買d 套裝書o既,
等小朋友習慣左聽audio books, 又要耐唔耐翻聽下,
慢慢先逐步增加借減少買,
我而家都仲要兩腳並行, 又買又借咁,
繼續籌備希望工程2.0 ~~
齊 ~ 閱讀樂
