為免爛尾我儘量多圖少字寫返個遊記
第3日我地做地道遊客專去大路景點~
當然出發點都係為左小朋友, 等佢地睇多d o野~
第一站先去貓空纜車
今期有hello kitty 主題呀!
未到纜車o係捷運車廂已經見到咖喇~
鍾意kitty 的話今年12月前o黎都可以坐到主題纜車!
我地酒店o係大安站, 只係幾個站距離就到動物園站, 好快趣~
纜車站都換上kitty 新裝
比起之前感覺 young o的~
上次o黎呢度好多人排隊, 最後冇玩到,
今次醒目左o係網上reserve定, 仲一早o黎,
但又冇乜人, 最後都唔駛拎出reservation info,
所以旅行有時都睇下緣份
精品店都有大量 kitty 貨品
悠遊卡都有kitty! 最平170蚊包左來回纜車~
(但唔要kitty 的話其實係唔駛170)
我地都算係kitty fans 當然有買到
纜車站都多左好多kitty佈置
車身更加唔駛講
有好幾款唔同車身造型
o係車度影多o的~ 好彩今日天氣算唔錯,
如果好似第2日咁落雨就o黎唔到貓纜~
之前同小齊o係香港都坐過360, 今次當然完全唔驚
幾個字就到~
我地都冇乜idea貓空有o的咩, 周圍行下睇下風景而已
行左半個鐘左右就搵地方食下雪糕同飲下茶
o黎到呢間叫觀鼎
見佢門面都幾靚, 誰不知係超恐怖o既茗茶經歷!!!
小齊食呢個係鐵觀音味雪糕
我地大人就飲茶, 呢度飲茶相當貴~
飲左一杯, 打算加水之際發現個茶壺裡面...有...乾屍...
果刻真係勁想嘔!!! 應該係壁虎之類o既物體, 而我飲左佢o既洗屍水...
OMG! 而家諗起都仲有d 想嘔!!!
同老闆娘講佢就話唔好意思...山區比較多小動物...
仲請我地食茶梅咁話
但我地已經冇晒mood , 諗起都覺得好核突,
快腳拎o野離開吧...
今次回程我地o黎到動物園內站
落左纜車仲要等接駁車先可以去動物園
車我地o黎到動物園內o既鳥園車站
今次係我同小齊第2次o黎台北市立動物園
上一次o黎係1歲咋佢, 一定冇印象喇
小齊見到大笨象有o的驚
睇電視就睇得多, 親眼見到咁大隻有d 淆底
影相都顯得好戒備, 仲叫我地快d 影完走人
對住d 假o野佢就ok
隔住玻璃都ok, 其他就都係驚驚地~
行行下見到斑馬o係地下碌o黎碌去咁 R 痕~
小齊都話斑馬真係慘, 想R 又R唔到~ 哈哈
今次沿路周圍行都見到好多動物,
台北真係好, 咁容易咁方便就可以睇動物, 真係小朋友o既福音~
行完動物園就去下一站, 我地打算去碧潭風景區
動物園o係"動物園站", 碧潭就o係"新店"
睇睇個捷運圖就知無理由坐捷運兜大圈咖
聰明o既我o地坐公車~
坐綠1公車就可以由動物園到新店咖喇~
敗家媽媽細個時睇好多瓊瑤小說,
書裡面o的男女主角拍拖成日o黎碧潭,
今次我都親身o黎睇下啦~
![]()
'
不過我係同個女o黎"拍拖"
穿上救生衣o既我地o黎踩船仔~
幾浪漫~
今次我地踩6人o既鯨魚船~
一路踩一路睇碧潭o既風景~
有冇咁嘆呀...
小朋友們當然覺得好新鮮...
我地仲o係船上播歌聽
聽乜?! 聽You Are My Destiny...haha...
係小齊點唱~
話咁快就一個鐘啦, 落船前影張相先
呢度踩船仔都唔駛格價, 行埋counter 買飛, 大約TWD120一個人
我地6人船就TWD700蚊, 加100蚊按金還船時可拎返
小齊今次有得踩船仔幾風騷
天都差唔多黑喇我地行一陣又o黎到食晚飯o既地方
碧潭分店~ 一路食一路睇住碧潭o既風景, 多浪漫
水灣餐廳o既其他分店都係開o係風景區~
有歌手駐唱, 網上可以check到邊位歌手同埋駐唱時間
我地仲好似見到有疑似"歌迷"一個人o黎聽仲勁影相
敗家媽媽一向都好欣賞台灣o既民歌餐廳
以前成日會去西門町o既民歌餐廳聽人唱歌
真係好好聽咖, 比起香港d live band 成日都係菲籍歌手我更鍾意睇台灣人唱
可能因為我都係聽台灣歌手o既歌長大啦~
今晚我地枱仲有點唱~ 超有fu的呢~
真係好滿足o既一餐~
是日靚衫: Burberry Children, Catimini, Puma
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
