買完o野食我地o黎到萬座毛,
呢個仿佛係沖繩必遊景點吧
好好彩, 我地到埗時颱風剛走,
但天氣就真係非常熱 and 非常曬
我地剩係影相呢一刻先放低把遮咋
o係呢度就見識到咩叫"驚濤拍岸, 捲起千堆雪"
雖然好曬, 但都有d 風,
搽定防曬希望唔好曬黑啦
小齊身後o既就係ANA 萬座毛酒店, 媽媽book 酒店o既時候唔知佢咁出名, 所以訂左另一間,
下次有機會再o黎沖繩的話希望可以住到ANA
之後我地就去酒店CHECK IN啦
網上睇comment都唔錯的~
本身o既打算係住一晚o係恩納村o既resort hotel,
之後3晚就會住o係宜野灣, 算係比較中心o既位置
後尾發現呢個安排係正確,
如果要搬酒店住的話, 由北至南咁搬酒店比較慳時間,
唔駛走回頭路
官網截圖果然影得靚好多~
lobby 好似冇乜冷氣, 亦冇乜人,
得幾把高高的吊扇
話咁快就拎左key 可以上房,
嘩, 原來有個咁大o既golf course~
網上見到我地間房類似咁樣:
下面係我實拍圖,
四張床理論上可一人一張
不過小齊係要痴大人瞓, 今次佢話要同婆婆瞓,
辛苦晒婆婆啦~
房內都好光猛
小齊發現有廚房似乎幾滿意
問我地煮唔煮飯
最愛呢種分開兩邊o既bathroom
用品牌子係POLA
4張床分佈係一字排開, 但有個房分隔
打開百頁門就可同房內溝通,
小齊用o黎嚇人
有4對附送o既拖鞋, 早知唔駛拎啦
放低行李之後就急急腳落樓下泳池游水,
雖然o黎到沖繩唔落沙灘有d 浪費,
不過我地扶老攜幼咁唔好挑戰咁高難度先,
去酒店泳池玩陣好喇~
泳池一d都唔大, 好在人唔太多
望出去就見到海灘, 5, 6點都仲好大太陽
幫小齊拎o既bikini, 媽媽自己無謂獻醜, 當然係著一件頭
婆婆好鬼醒, 連水泡都拎埋
酒店staff 都好醒目, 即刻主動幫我地充氣
小齊而家都大膽左, 有水泡就可以自己游,
大家都可以享受下游水o既樂趣
嘆到呢~
游左一個鐘都仲未日落, 返房沖涼時影o既
爸爸去car park拎車期間我地o係酒店周圍影下
原來真係有golf car 車人去golf course
日落之後涼左d, 陣陣海風吹埋o黎好舒服
離開酒店搵o野食, 今晚餓餓地想做食肉獸
但今晚我地揀左呢間
肉之專門店, 聽個名就吸引!
牛肉豬肉任君選擇
我地冇訂位所以要等, 其實佢都唔FULL HOUSE,
但唔知點解要我地等左成半個鐘...
我地o既饑餓感覺去到頂點!
卒之有位~ 我地揀左呢個牛+豬拼盤course
o係沖繩要食沖繩牛肉加AGUU 豬肉是常識吧~
小齊成日未瞓晏覺仲去埋游水, 呢一刻已經頂唔順
都好彩食燒肉, 最多留起一o的等陣燒比你食~
我地見到d 配菜同沙律已經頂唔順要開動喇!
呢個沙律估唔到咁好食, 青瓜勁爽口, dressing 又好好味
wow, 主角出場!
好均真喎, 寫明係咩部位
加上滿滿o既白飯同海鮮湯, 正!
今晚o既燒肉真係好好味呀!
特別係d 牛肉, 好juicy好嫰口
聞到肉香小齊都唔介意起身一齊食
食完仲有雪糕甜品,
分別有黑糖, 菠蘿, 紅芋, 海鹽口味
小齊揀左菠蘿, 但又嫌酸喎, 食左幾啖就唔食
話要返酒店再食之前o係lawson 買既jelly~
第一天行程完~
是日靚衫: Kenzo Kids + Catimini
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
