今個復活節我地約埋另外兩位 KV 同學仔組成 --
"媽媽去哪兒--台北挑戰團"
台北媽媽o黎過好多次, 其實挑戰不大
唯一挑戰係控制呢幾位小朋友呢4日o既表現...
行程由早機開始, 今次坐 HX
好順利到達, 第一步出張電話卡呢幾日上網用,
第二步就打比我地book左o既司機先生
(漏左唱錢? 唔係, 不過呢個留返遲d講)
由於今次一個拖一個, 為安全計, 來回機場我地都預約左包車
今次唔係o黎浸溫泉, 之所以會揀呢度係因為下晝打算去陽明山,
午飯就打算o係附近北投搵間靚餐廳食
北投我都o黎過好幾次, 之前住過春天酒店,
今次想搵間新同靚o既酒店試試
雍翠庭係新嘗試
地點o係北投山上比較高處
倘大餐廳得我地同另一張枱有人
枱面裝飾都用上海芋, 果然係海芋季~
我地媽媽們一人叫左一個set lunch~
同小朋友share一個餐都ok, 反正唔駛食太飽
食後感: 景觀及服務不俗, 食物尚可, 但價錢偏高
環境係最大亮點, 放眼望皆綠油油一片,
只在此山中...o既感覺
呢間酒店o係北投都算大型,
我地今次唔浸溫泉, 只係匆匆食個LUNCH到此一遊
之後坐車去陽明山,
司機先生載我地o黎到地標之一 -- 花鐘
據講花鐘同噴水池號稱"陽明雙景"
我地今次都拍到其中一個~
今次o既小團友拍合照!
之後o係公園周圍行下, 生態參觀 field trip一樣
睇到咩? 之唔係蛛網...
睇到入晒神
好彩今日天氣都幾好, 唔熱唔凍唔曬冇落雨
我地信步行下感覺好舒服
環境咁靚當然要影多o的相
再上車就去竹子湖,
我地4月呢個時候o黎時間正好!
成個山頭都係!! 我地仲諗左好耐海芋o係香港叫做咩?!
後尾卒之諗起, 係喇, 叫馬~蹄~蘭~
海芋係可以採咖, 逐支計, 圍港紙幾蚊支, 好抵!
咁樣整一束已經相當靚,
可惜我地唔o係度住, 唔係採返屋企擺下都好
model 齊今次好乖乖肯擺pose比媽媽影,
表情仲好豐富
見大家咁乖去食雪糕~
竹子湖呢邊都有唔少舖頭,
司機先生仲話有機會可以o黎試下呢度d 農家菜,
話好有風味~
下一站去睇雲海,
其實係因為我地去小油坑時好幸運地偶遇呢片雲海
小油坑
趁天色未黑晒前我地o黎到呢度,
今晚食dinner o既地方
o係文化大學後山附近有好多景觀餐廳
呢間係其中之一 -- 叫八卦夜未眠
o係媽媽o係EZTABLE 訂枱o既~
天光時睇到好遠o既台北...
天黑時睇到台北無敵爆靚o既夜景
真係萬家燈火哦~~
唔怪得話係"把妹" 熱點, 真係好浪漫囉~
媽媽覺得個景好得!!
如果有興趣o黎呢度大家睇返台灣本地人寫o既blog 會見到其他餐廳o既介紹
好似 "屋頂上", "草山夜未眠"...
講返餐廳, 其實係食燒烤~
但唔燒的話都有其他 a la carte~
雖然部相機唔係好影到後面o既景, 都勉強拍一拍
好有情調, 亦都係食情調多, 食物只屬一般
晚飯後司機先生仲車左我地去士東街市果邊買台灣本土出產o既水果,
太好了, 小齊最愛就係生果, o黎台灣一定要試多d!!
我地買左釋迦, 提子, 蓮霧, 仲有個唔知咩瓜返酒店開宵夜水果餐~
最後要多謝車我地周圍去o既司機楊先生,
我次次遇到o既包車司機都好好人~~ 真好!
第一日行程完~
是日靚衫: GUCCI KIDS + FENDI KIDS + ANDANINES
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
