我記憶中我自己細個係冇學過普通話,
果時o的學校都唔多興有呢科,
冇上堂學o既我, 都係聽歌, 睇綜藝加台劇, 聽得多又試下講咁啦
當然唔係好標準但我o的普通話都叫可以啦,
起碼我去台灣玩o既時候不止一次有人話我o既普通話幾好~~ (自我感覺良好中)
但而家呢個年代普通話變得重要左, 好多學校仲話要普教中...
其實我都相信就算唔正式學普通話, 大大下都會識講o既
但而家o既要求似乎唔容許小朋友"大大下"自學,
有唔少小學面試階段(即5歲左右)都已經要求有相當o既普通話程度
如果唔係幼稚園有教, 平日有接觸的話, 似乎都唔係太易
小齊間幼稚園冇教普通話, 所以敗家媽媽有幫小齊報上普通話o既堂,
由BB仔開始o既playgroup, 到而家上o既唱遊班,
我都係選擇o的輕鬆, 唱歌+對話為主o既班比小齊
我自己就唔想咁細個學咩拼音呀, 喪做工作紙,
所以公X中冇考慮,
呢個年紀,
我只係想建立 + 維持佢對普通話o既聽力靈敏度,
日後學校真係教佢應該會比較易上手。
小齊逢星期六上晝會上普通話班, 由上年9月尾到而家剛好半年,
進度o黎講叫差唔多完成兩期課程 (3月尾會完)。
小齊上堂學o既詩歌佢都可以讀返比我聽, 相當唔錯,
基本上係文盲o既佢應該都幾留心上堂先可以背得出果十幾首詩歌,
但學語言好多時遇到o既問題就係語境唔夠, 聽得唔多, 所以應用較難。
我地同幾個KV 同學仔一齊試試報考左GAPSK 個K1測試,
o黎緊個星期會考, 呢幾日媽媽開始同小齊溫習下個考試模式
發現小齊聽指令無大問題, 但要回答(應考範圍之外)o既看圖說話就比較難搞
主因係有o的詞彙佢真係冇聽過, 接觸太少
好似問圖中小朋友在做什麼?
小齊會答: "在游水 , 在瞓覺..."
唔識轉返書面語 "游泳", "睡覺"
呢方面相信一時三刻都不能改變,
所以考試什麼...真係算吧啦, 冇乜寄望
但普通話堂我地就會KEEP 住上o既
上完堂又去DISNEY 玩,
離上次去已經成個月, 期間小齊都要求左幾次話要去 (佢仲唔厭!!)
未夠半年大大話話去左12次
見到DUFFY 出左新產品!
幾得意!
呢排聽好多人討論"不快樂童年" 個節目,
作為家長我都趁機諗諗o係而家呢個年代如何自處,
點樣盡力平衡快樂童年 + 學習 呢個組合
學太多o野/操練太多同完全放牛吃草都唔係咁理想
我覺得小齊都應該算係幾快樂o既,
返學夠晒開心, 功課暫時都簡單,
學o既o野基本上都係玩耍形式學, 無功課, 無操練,
日日都有NAP TIME 同玩o既時間,
有時反而覺得佢玩得太多, 睇電視太多
同佢出街好多時都係玩行先, 個個星期六日都去玩,
同表哥表弟玩, disneyland, picnic, 飲飲食食咁...
屋企人個個都錫佢, 又帶埋佢去旅行
晚晚有伴讀書僮講故事, 媽媽又敗家成日買o野比佢...
不過都係問佢自己最中肯,
小齊果晚pillow talk同我講: 多謝你o黎做我o既媽媽~
感動 ~ ~
是日靚衫: Fendi Kids + Zara Kids + Duffy Bag
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
