所謂口碑就係咁解,
本身敗家媽媽比較少睇綜藝節目,
有時間睇電視的話多數煲下韓劇 (已經覺得好奢侈),
但經幾位朋友/同事不約而同o既推荐之下睇左呢個絕對老少咸宜的內地綜藝節目《爸爸去哪兒》, 我覺得都實在要推薦一下
原裝韓國版《爸爸，我們去哪兒呀？》我都睇過少少,
可能因為人物唔多熟悉而翻譯又唔太到位, 睇左一陣就放棄左
但大陸版呢個我就中左毒, 一個星期就睇晒,
都好在我等佢完晒第一季我先開始睇, 唔駛追得咁辛苦!
節目內容係由五位明星/名人爸爸帶住自己3-6歲o既小朋友去劇組安排o既地方進行3日2夜o既旅行, 而呢o的地方係就算連媽媽湊都會好吃力o既, 而家變左由爸爸帶, hehe (奸笑ing) , 真係未睇都知會發生咩事啦
不過睇落左就覺得其實5 pairs 都各有千秋, 雖然我覺得爸爸們都有好大可能o係鏡頭前忍而不發扮溫柔, 好似第一集我見到田亮真係"鍊"住道氣唔發火, 要做個"慈祥的爸爸"
但後尾都覺得佢地親子亙動令成個節目咁精彩, 而且幾位小朋友都好善良, 各有各可愛!
睇到我呢位媽媽都心花怒放
而家呢5 pairs 必定係大陸最火o既親子組合!
我的睇後感:
1. 爸爸們唔好話自己唔識湊仔就推晒比老婆, 睇下呢5 個爸爸, 由第一集煮o野食"拿手唔成世" (呢part 笑死我) 到最尾果集合作煮飯有板有眼就可以下結論 -- 湊仔都係一種熟能生巧;
兩公婆都係同一日開始做人父母o既, 冇理由爸爸就會落後咁多, 爸爸唔上手o既原因只有一個, 就係 -- 懶!
2. 小朋友們雖然比較少見爸爸, 但心底裡都係好想親近爸爸, 對於爸爸咁惡搞o既廚藝多數都係讚! 似乎只要爸爸肯花時間陪佢地小朋友就好開心
3. 差兩年已經差好遠, 睇得出5, 6歲o既天天+石頭相比3, 4歲o既 angela + kimi, 對爸爸o既依戀同依賴已經減少好多, 無論心靈上同行為上, 好似5, 6歲果o的起身唔見爸爸已經冇乜o野, 自己搵衫著, 但3, 4歲果o的仲會問工作人員爸爸幾時返呀, 我想見到爸爸之類... 仲要飲奶奶, haha... 呢個真係有d感觸, 小齊而家起身唔見我都會叫媽媽... 而且仲係o係床度飲奶奶, 但過兩年可能已經唔會, 真係要好好珍惜~
呢個節目有個唔好處, 就係o係街睇唔係咁好,
因為有幾次都忍唔住想喊...esp 最後果一集,
見到王岳倫話如果個女嫁會好唔捨得...
唔捨得佢咁快長大...
我想話: 我都係呀!
除了睇人敗家媽媽仲睇衫 ~ hehe
小小angela 除左cute 之外仲好多靚衫, 呢個係敗家媽媽之後上網時發現!
敗家媽媽都幾眼尖認得出呢D 品牌~
D&G junior BLINK BLINK 裙:
LITTLE MARC JACOBS 漁夫帽:
D&G junior 花花褸:
LITTLE MARC JACOBS SEQUIN 裙:
o黎緊新年大陸會上爸爸去哪兒o既電影, 而我真係想去捧下場!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
