台北行程第2日我地上晝去左行動夢想館
敗家媽媽去過台北好多次, 大路景點已經好少再去,
反而會搵定d "期間限定" /新o野睇/試
係舊年8月開始o既新展覽館
同小朋友o黎都係entertain 佢地喜好多~
地點係o係花博公園o既新生園區
花博公園都有o黎過, 不過冇行o黎新生園區呢邊,
呢邊離捷運站較遠, 建議o係圓山站轉公車
o黎到即去買飛, 因為有場數同時間限制, 我地買左10:30 am o既行動夢想館飛,
未夠鐘就參觀埋隔離o既台北典藏植物園
購票資訊:
行動夢想館+臺北典藏植物園 套票NT$115
(未滿6歲或身高在115公分以下之兒童免票)
一場o黎到而且有套票就行埋植物園啦, 我地買左3張飛6個人行, haha, XD XD
港紙即係一人15蚊左右, 抵到呢~ 呢個植物園用o黎sip 時間一流
差唔多夠鐘就行過去夢想館呢邊
等10:30 場次進場
![]()
進場前有工作人員會解釋下一陣點玩
每張飛會換o黎一部呢o的機 -- 傳說中o既 -- > 夢想時光儀
我地買左3張票就有3部,
唔駛講偉大o既媽媽呢個時候都會留比小朋友玩
進場前o係entrance 要影張相
溫馨提示: 唔好露齒笑呀!
一入o黎係睇短片
睇完時部夢想時光儀震~ 震~ ~
仲提示係玩左1/5
下一站係 -- 志向的廣場
![]()
啱啱睇到時覺得似曾相識, 好似之前去過o既袖珍博物館咁o既?!
原來有乾坤, 搵部機對住個display box 就會見到自己!!!
image係頭先o係門口影果張相~
呢part 小齊勁鐘意, 因為係動畫o黎咖,
每個display box 代表一種職業/夢想
科學家/設計師/老師/歌唱家/超人都有!!
其實唔止小齊, 我地幾個團友都覺得好新奇!!
仲可以cap screen , 之後上網可以睇返咖!!
呢part 大家玩到唔捨得走, 因為有好多display box,
會睇到好多唔同造型, 好多都好搞笑
因為每場有特定時間, 所以我地要不斷行, 唔係會阻住下一場,
雖然玩到好開心, 都要去下一間展覽館
呢度有個姐姐介紹要點玩, 大家要大叫同大跳!
留比你喇小齊!!
跟住又要下一站 -- 勇氣能量站
點解係"能量"? 因為要踩車咖!!
小齊唔夠腳長囉~ 佢好無奈, 又踩唔到~
踩著會見到台灣唔同o既風景名勝~
係一次奇幻單車之旅!
最後一站喇 -- 行動航站
大家o係呢度搵個check in counter,
輸入資料就可以print 返boarding pass,
上面有序號可以上網睇返頭先o係志向的廣場capture o既相~
小齊自己左噤右噤, 冇乜難度, 小朋友都handle 到
玩到最後就會得到boarding pass~
好喇, 咁就完成左大家都覺得好玩o既夢想館之旅!
玩完又到左醫肚時間,
一向好鍾意o係台灣搵好o野食o既敗家媽媽今日book左呢度
係食日本o既會席料理
我一早上網reserve左位, 我地6個人都有廂房喎
都好, 唔駛嘈住人~
風格好似之前去日本溫泉旅館食o既會席料理一樣哦~
我地一人order左一個"楓"會席同小朋友share~
o黎食之前我剩係知呢度係本地人幾hit o既日本菜選擇, 食完之後再google下, 原來大有來頭
"燈燈庵是榮獲蘋果日報、自由時報、食尚玩家、時報周刊、商業周刊-優生活、壹週刊等媒體報導且獲得網友評鑑為5.5顆星的美食餐廳。"
wow, 上菜喇~
剩係睇賣相已經冇得彈!
直情藝術品一樣
伴碟都咁風雅~
真係有d 唔捨得起筷
件件細細件但好有心思~ 好味!
sashimi 係我o係台灣食過o既最好!!!
食物好似o係深山之中~
日本師傅親自出o黎打點~
呢道魚係好難忘, 我唔係好鍾意食魚都覺得好正!
本來小齊玩完夢想館係瞓著左,
o黎到食lunch 呢個時間都仲未醒,
但食到呢道菜我覺得我唔叫醒佢就太對佢唔住啦!
真係好好味o既魚呀, 仲要趁熱食咖小齊~
呢舊黑媽媽唔知係咩?
原來係用墨魚汁煮o既洋蔥,
唔食由自可, 一食不得了, 我平時唔食洋蔥咖
但呢個真係太好味, 我忍唔住味王上身 "好~好~味~呀~"
連洋蔥都煮得咁好味, 除左痴線我都唔知講咩好...
由於真係太好味, 夾硬比媽媽抄醒o既小齊都冇投訴
再食雞同吁茶泡飯
茶泡飯我覺得最一般~
最後仲有甜點
估你唔到係高麗菜mousse~~ 高麗菜都可以整mousse 咖咩?
但出奇地好食囉!! 好彩服務員之前同我地講左墊底塊葉唔好食,
唔係我地都會食埋, XD XD~
最後給想去燈燈庵o既你一點小貼士, 就係上eztable 買coupon 抵折卷,
好似我地呢個餐原先要每位TWD1380, 用左抵折卷之後只要TWD 1180就OK喇~
咁o既價錢就食到咁好味咁幽雅o既日本餐廳, 太划算!!!
我一定會再o黎, 要孝義一下, 下次帶公公婆婆o黎先得~
食完o野呢個時候開始落雨,
有乜好得過落雨去shopping, 又去返之前o黎過o既花栗鼠繪本館
仲有敦南誠品, 主要目的係補audio books o既貨, 內容不贅
或者稍後有時間會補返戰利品文章~
o係中間shopping 呢段時間我講返第一篇冇講到o既兌換台幣問題
我地今次唔駛排隊兌換, 朋友S 姨姨醒目地開通左海外提款
我地o係櫃員機噤錢咋, 真係方便到爆! 用返hsbc 機仲免handling charge!
用其他銀聯機就每次手續費20蚊 (咁最好一次噤晒啦) ~
方便之餘個rate仲要靚! 今次唱係3.89!!!!
據我所知去百x 找換店都唔過3.8!
同樣地要book 枱哦, 長期客滿的, walk in 就要o係門口等等囉~
kiko's diner 其實即係sanrio 餐廳
舊年12月新開o既, 我地又試試新o野啦~
相比hello kitty cafe 同barbie cafe 呢度相當-- 沉實...
裝修唔會太女性化,
所以都好啱男仔, 我地今次有男同學仔, sanrio cafe 比較中性~
食物係american style~
大大件果隻~
我食到好飽~
食飽飽影下周圍環境
仲有門口成班sanrio signature icons!
小齊話佢最愛係melody!!
第2日行程完~
是日靚衫: Gucci Kids, Kenzo Kids, Paul Smith Junior, Puma
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
