8月尾拎左阿女o既校曆表之後就心思思想 plan 去旅行
學校中秋節正日非紅日都係假期 (都話幼稚園假期多)
所以變左有4日連假 (後尾變成5日, 不過這是後話)
咁就睇下fanfare有咩地方有平飛,
啱啱上兩期fanfare 係做中國機票,
見得果幾日都係搵d 中國短線,
廈門距離香港一個鐘頭機程左右
好快就到, 機場同市區都近,
本身諗住坐的士, 點知超超多人排隊 (也算好彩係有排隊了)
後尾就揀左坐巴士
落機第一站先醫飽個肚, o黎到呢個叫 SM 生活廣場o既地方
睇左dian ping網呢間叫"
宴遇"o既餐廳評價唔錯, 所以第一餐就o係度食
打左o黎呢度問4個人係冇得訂枱, 要walk in
果然o黎到真係有d人龍, 要等位,
個心反而有d 期待~
等位時同小齊去左隔離間玩具反斗城睇玩具
有人玩到唔肯走, 要媽媽三催四請先肯離開
一早講左返大陸要跟住媽媽咖啦, 之前話左佢聽小斌斌事件諗住警剔下佢
點知佢仲將d 新聞炒埋一碟, 話小斌斌比人挖左對眼, 仲迫佢食龜苓膏!
講返宴遇, 午餐時間係滿座
首先有complimentary 生果
用呢個咁有特色o既托盤
呢度係食d fusion 菜類o既"份子料理"
我對份子料理o既理解係將d 食物整到唔似佢平時出現o既形態咁
好似上面果pat 泡係檸檬汁
下面個蛋殼裝o既唔係蛋黃, 係芒果汁, 用o黎點雞
呢個係冰鎮螺片
春卷又插o係d 沙咁o既物體度, overall 賣相都係充滿綽頭
味道算係不過不失, 係賣相得意拎分最多
食完o野去酒店check in 喇, 今次預訂左間4人房
設計係咁樣o既房中房, 唔錯呀, 公公婆婆可幫手照顧小齊
小齊又鍾意兩邊走o黎走去
check in 左小齊話要沖個靚涼玩下水先
之後我地出左去食晚飯同埋行中山路步行街
本來想去鷺江賓館o既中菜, 點知人多到爆, 可能因為係中秋節
我地唔想等咁耐唯有o係附近搵o野食
但後尾揀果間酒樓相當唔掂, 食物油淋淋, 侍應態度差
完全係有中伏o既感覺
都唔想提起, 連相都冇影
快快趣食完去中山路行街好過
呢間舖頭前好多人影相, 估計都係人氣店
趙小姐原來係賣茶
步行街晚上真係人山人海, o係大陸呢d地方我只會諗到小心銀包
步行街多數都係賣食物同手信,
我地都冇乜興趣
唯一係行左春天百貨
地庫有間小型supermarket, 呢幾罐飲品幾得意!
行完街我地慢慢散步返酒店, 沿江邊行又有d海風,
仲可以賞月,
學小齊話齋: "月亮圓, 月亮光, 好像燈籠在天上"
返左幾日學都學到d o野噃~
是日靚衫: microbe tee + kenzo kids 短褲
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
