探險家攻略 > 其他 > 其他 > 希望工程 -- 中文篇

希望工程 -- 中文篇

由敗家媽媽於 2014-08-20 00:00:00 發表 | 累積瀏覽 539

分類：其他

希望工程英文篇已經寫左N篇, 但中文篇只係第一篇,

原因唔係因為我唔重視中文,

相反我好重視, 好想小齊學好中文,

(如果兩種語言之中只可以學好一種的話, 我寧願係中文)

不過中文某程度上比英文難學,

而幼兒階段我地睇英文書係比較多d同有系統d,

但中文書都唔可以忽略~

敗家媽媽自己中文比英文好,

平時多數都係睇中文o既雜誌, 小說,

但小齊我希望可以做得平衡o的, 呢個其實係好大o既挑戰

小朋友偏重左用一種語言o黎思考同閱讀之後就唔係咁容易用另一種,

我儘量參照汪培珽老師"一本中, 一本英"策略,

但我得承認暫時做得未夠好, 中英文圖書o既比重現在大概係3:7之比

o係小齊3歲左右呢我都會keep record 我究竟同佢睇過咩中文書,

會記低書名, 作者, 封面圖, 我地睇時o既月齡,

圖書館o既索書號 (方便再借), 故事大概內容

以下我節錄當時紀錄o既一部份

後尾(開學後) 紀錄少左, 一來因為圖書館o既"讀者借還紀錄"已經可以睇到借左咩書,

二來因為花左時間o係希望工程英文篇,

雖然都會keep 住睇中文書,

但對中文書疏忽左處理紀錄工作

K2 就o黎開始而家都係時候重整返睇中文書o既進度同熱情!

o係小齊比較細o既時候呢, 我對於揀中文書比佢睇只有一個模糊o既概念

果時自己心急左教佢認字, 買左d 認字書, (eg. 基礎漢字500, 字卡之類)

而家諗返起覺得無謂~

個人愚見, 如果唔係FTM 成日自己教到呢, 中文字認字書買多都冇用,

因為一定冇時間教, 而且小朋友認中文比認英文難好多, 會教得好氣餒,

呢樣o係小齊身上100% 展現, 講緊K1開學前, 佢認英文字已經有D 門路,

但中文字呢? 教完又好快唔記得, 開學前識o既中文字可能有...10個?!

用認字書教中文最大問題係out of context, 好難下次認返

而且中文字一音多字, 小朋友好難掌握

發現呢個事實之後我亦突然諗通,

我覺得認中文字呢, 到啱時候, 啱程度, 小朋友好快可以上手,

(而且學校教得比我有方法, 我好放心交比學校了~)

但係寫作o既腦筋, 想像力, 語彙呢d要時間浸,

於是我集中比小齊睇名家繪本, 認字我放較後位置,

最重要令佢開始追看故事

我多數揀台灣出版社o既, 好似上誼, 信誼, 和英, 三之三, 遠流....

台灣出版社比較會出名家繪本翻譯版,

日韓, 歐美o既得獎繪本好多時都有中文翻譯版,

好似Where The Wild Things Are 其實我地係睇中文版"野獸國"先,

Giving Tree 我地亦係睇中文版"愛心樹"先,

好多時我都會o係圖書館借, 圖書館冇或想收藏重溫先買

竹下文子o既繪本我地o係圖書館借過幾本 "大家一起XXX" 系列,

去台灣時見到呢本圖書館冇就買左

呢本"最初的質問"圖書館未有, 其實內容啱大人睇多D,

反省自己生活

"第一次自己睡覺"同"其實他不壞" 都係日文翻譯繪本

小胖變瘦了係韓文翻譯

另外歐美翻譯都買左o的, 不過圖書館都有好多, 比起日, 韓o既繪本,

圖書館收藏左比較多o既歐美作家繪本

有D圖書館有但因為自己都好鍾意就會買, 好似呢兩本,

睇到自己都想喊...

揀中文繪本時會參考下D 講繪本o既書, 屋企都會買定幾本傍下身

其中"餵故事書長大的孩子",

"童書久久i-iv", "閱讀裡的生命教育", "繪本之力", "繪本123"...

都係媽媽o既參考書, 從中取經根據小朋友程度選擇合適o既中, 英文繪本

bring me a book 網站都為唔同年齡小讀者介紹有質素o既華文/英文圖書