你學校係咪冇NET?

由敗家媽媽於 2013-07-04 00:00:00 發表 | 累積瀏覽 468

分類：

自從決定比小齊做根德女之後

有時都會比人問呢個問題:-

你學校係咪冇NET?

(FOR 新手媽媽: NET = Native English Teacher 是也~)

答案係 : 冇!

或者係, 據我所知 : 冇!

"唉呀, 咁咪學唔到西人口音 ?"

坦白說, 我唔係native english speaker,

我亦唔係用英語同阿女溝通,

佢學唔到西人口音似乎係正常o既事下嘛?

難道...你又以為... 你比小朋友返幼稚園三個鐘, (就算三個鐘都對住NET), 佢就會學到西人口音 ?!

咪天真啦!

我覺得 NET 係"綽頭" o野, 家長以為 NET 教小朋友就一定好 ?

首先, 我想講我自己學日文o既經歷 ---

第一年, 有個鬼仔教...真係鬼仔(美國人), 佢話佢讀左17年日文...

第二年開始係日本人教, 可能你會心諗, 日本人教先正宗係咪?

但其中有幾堂, 搵左代課老師教, 代課老師係香港人, 又係學左N年日文, 口音已經好地道!

三個入面, 你估邊個教得最好 ?! 我得著最多?!

答案係 -- 代課老師 -- 即香港人!

唔好以為學外語一定要跟外國人先為之好,

有時本地人反而會了解學外語o既難處, (因為自己都經歷過,) 從而減少學生行冤枉路!

以英語為例, 有44 個音素 (PHONEMES)

其中有一部份係同我地o既母語音素重疊,

好似m, b, = 媽(m), 爸(b), 真係bb仔都講到, 呢d音唔駛西人教同練都發到

但有d 係我地母語冇o既音素, 好似"th"音, 講廣東話冇乜機會講到,

所以要英文講得好聽, 就睇你講呢d 外語音素講得純唔純正

但NET, 最大o既壞處就係佢地唔識廣東話, 佢唔知邊D 係香港學生o既"外語音素", 點加強訓練?

你又可能話, "細蚊仔好叻咖, 聽老師講, 就學到咖喇!" 或者 "對住NET, 迫佢開口講英文!"

嗱, 唔係話學唔到o野, 只係話, 唔係NET 就香o的咁解 (又唔知你學校o既NET 會唔會都係有"ACCENT" o既NET?)

NET 同本地老師都各有各好, 而我~ 唔會天真到~ 以為~ 一個老師一日一個鐘~ 仲要N咁多個學生分,

會令到阿女o既英文有咩長足發展,

如果我有咁o既期望就係有點過高了

至於"迫佢講"呢個POINT就... 我更加覺得, 如果小朋友對自己學左o既o野有信心, 自然有信心講, 唔駛迫咖下嘛?!

以我自己為例, 讀KG, 小學, 中學, 都未嘗過NET o既滋味...

未試過出國讀書, (英文科)冇補過習, (我係補過geog 同history, 不過都係中六o既事)

但係我見過o既鬼佬客, 唔止一個, 都問我係咪o係外國返o黎?! 或讀國際學校?!

我答佢地 "唔係",

你可能覺得有d 奇怪, 我唔係吹水, 亦無須自大, 我公開試英文係A; ORAL 就會考, 高考都係A

我覺得學英文同講英文, 係有法門的 (其實所有科目都係, 我自己比較有興趣鑽研o既係語文, 其中中文又比英文更好)

出於個人本身o既努力同領悟多過外力植入,

老師唔係冇幫助, 但係同一個老師教, 點解有人摘A有人攞E?

老師係一種引領, 帶你去到知識之門o既入口, 而入去之後搵唔搵到寶藏, 都係靠自己!

你有興趣, 你去研究呢種語言, GRAMMAR, 發音,

記憶更深刻, 應用更加得心應手,

最重要係你睇書時容易將書本知識, 變成自己可應用o既知識

唔好神化左, 或誇張左一兩個老師o既"功效",

始終, 老師...係會轉的!

是日靚衫: KENZO KIDS 2012

============================================

感謝敗家媽媽提供以上資料

敗家媽媽的網誌: http://buyjiamama.blogspot.hk/

============================================

鐘意SeeWide的分享，給我們一個Like吧！