為免又爛尾我盡快用多圖少字o既方式post 返去台灣o的相先,
第4日來個淳境早晨!
景觀真係好開揚, 今日冇霧氣
民宿早餐質素一般過一般, 我係食唔飽, 原因係冇乜o野好食...
小齊食饅頭~
離開之前影下周圍景色
小齊真係交足戲! 最識"tum"人~
離開民宿去青青草原
今次係第二次同小齊o黎呢度, 小齊有印象呀, 知道又係睇羊咩咩!
再一次o黎到呢個位, 吸收天地靈氣...
風景真係好靚咖, 清境我覺得最值得遊覽o既就係呢度
成個山頭都有好多羊
所以都有好多羊飼料賣, 飼料好平, 問題係你夠唔夠膽餵
小齊見到d羊都有興趣話要餵的, 所以我地都買左飼料
不過一近距離見到又勁話驚!!
拎住d飼料唔知做乜?!
人餵佢唔餵, 睇人餵only
一有羊埋o黎又話驚, 勁叫我抱
表演台果邊有馬騎, 唔駛講, 都係話驚~
我去影相佢都勁叫我"小心d呀媽媽!!"
呢度騎馬好抵, 婆婆都話想試下
叫埋小齊一齊騎馬, 佢喊晒話唔好, 好驚喎!!
唔騎馬咁同媽媽去餵羊啦, 小齊先旨聲明要全程抱住佢 (駛唔駛咁驚呀?!)
媽媽引導下佢啦, 嗱, 你睇, 好溫馴咖, 唔咬人咖, 係咪?!
仲有d小羊, 你睇幾細隻!
餵晒d 飼料再周圍行下~ 山頭o既另一邊有馬術表演,
我地舊年o黎果時有睇羊咩咩show, 冇睇馬術,
今次有機會睇返
乳牛風車!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================