行程第4日係25/12 聖誕節,
之前小齊許願想要呢個sushi 擦膠,
呢日一起身就見到聖誕老人真係送左比佢, 好開心呀! 哈哈...
一早起身就check out 離開豪斯登堡喇, byebye~
希望有機會再o黎啦
行程緊湊, 我地今日要去熊本,
朝早一早就上火車又轉新幹線,
中間轉車仲要得6分鐘, 又行李又bb車又有一個唔係好肯自己行o既bb,
真係驚險到呢~ 好彩最後順利趕上新幹線, o黎到九州中部熊本!
呢度真係乜都會見到KUMAMON!
媽媽行手信舖小齊不停玩呢隻公仔,
隻公仔會REPEAT 同佢講o既o野, 小齊當佢真係識傾計咁
見小齊咁喜歡我最後買左呢隻會發聲o既公仔比佢, 算係媽媽送o既聖誕禮物啦!
o係熊本會開始我地o既自駕遊
所以一到埗就係要拎左車先
雖然o係香港已經book左車但係都有d 突發事情
就係冇料到之後幾日會落雪, 所以都一番折騰先拎到車,
因為我地冇book到雪 tyre,
租車店員同我地都好難溝通, 佢地果邊都冇雪tyre
講左半日原來佢教我地如果o係雪地要用鎖鏈綁住條 tyre o係雪地上用
err...唔係太明點運作, 唯唯諾諾應左先...
好喇, 拎左車第一件事係食lunch!
居然係食味千拉麵...haha, 九州熊本係發源地嘛
夠晒正宗~
叫左兒童餐比小齊, 味道唔錯呀
仲有兒童餐o既玩具, 小齊揀左醫生聽筒
我地食完o野打算上阿蘇火山, 順路見到有supermarket 又行下
自駕就有呢個好處, 行下食下又買下,
沿路都有好多食肆, supermarket, 書店, 藥妝店, 特產...
總之想行就pull over 一邊泊車(停車場免費任泊), 行完又上返車
supermarket 好多o野都有KUMAMON 的
小齊已經喜歡上KUMAMON
晚白柚似乎係九州特產, 一o黎到已經見左好幾次
上網資料話: "產自熊本縣，稱得上是柚中的極品，是全世界最大的柑橘品種，平均重量有1.8公斤至2.2公斤，當造期是每年一月下旬至四月下旬，果汁豐富，氣味極清香"
真係幾大個!
小齊見到咩咁期盼?!
HEHE...我地買左蕃薯
熱騰騰真係好好味!
上左車小齊繼續忘我咁食, 食到成面都係蕃薯
之後仲瞓埋
遠遠見到呢個山唔通就係阿蘇火山?
一路行開始見到雪喇
越高越多雪...有o的緊張...
wow, o黎到草千里已經係白茫茫一片
小齊o係車瞓左一陣, 一起身就見到冰天雪地,
媽媽問: 你估下我地去左邊度 ?
小齊: 北極 ?!
今次係小齊第一次見到咁多真雪呀~~
今次真係過白色聖誕節!!!
上火山口要坐呢d 登山纜車, 來回盛惠1000 yen
真係冰天雪地, 唔怪得小齊話係北極!
話咁快就到
小齊話好凍, 即刻做個搞怪樣~
坐完纜車仲要行段路先到火山口
阿蘇火山, 久聞大名, 今次見到了!
根據wiki資料:
阿蘇山其實只是個通稱，指的是位於阿蘇地區的火山群，正式名稱為「阿蘇五嶽」，主要包括高岳（1,592m）、中嶽（1,506m）、根子岳（1,408m）、烏帽子岳（1,337m）及、杵島岳（1,270m），這五座火山群中最高的山嶽被稱為「阿蘇五嶽」。其中的中嶽至今仍有頻繁火山活動，是一座
活火山。
我地後面呢個就係中嶽火山, 係活火山!
上面真係幾凍, 所以逗留左唔係好耐我地就離開了
呢度o既手信店又係kumamon 橫行!!
去完火山之後我地就揸車去今晚o既溫泉旅館
"黒川温泉 山あいの宿 山みず木"
揀呢間旅館係媽媽綜合左網上o既comment 同埋o的旅遊網o既評價,
話呢度o既溫泉非常有風味, 咁我就決定一試啦
黑川溫泉真係相當隱世feel, 唔係自駕我真係唔知點o黎 ?!
其實連自駕都有d 難度, 連 gps 都冇我地呢間旅館o既 exact location!
我地係set左附近o既地點再搵咋, 都迷路左一陣,
最後好彩都搵到~
今次book左付有客室風呂o既房,
所以除左出去露天風呂之外, 都可以o係自己房內浸
website 上睇到呢間就類似我地今次間房喇
實地照片, 冇website 見到咁靚
小齊著左浴衣真係有o的似日本妹
hea左陣就食晚飯, 同其他旅館一樣, 晚飯時間係自己可以揀o既
o黎溫泉旅館一泊二食我地都好睇重晚餐o既部份!
到達我地o既食事處時枱面已經預備好晒
今晚o既菜單
嘩, 好靚, 好似玩具咁o既
雖然樣樣都細細碟, 不過食下食下都飽咖
今次已經係第3次同小齊o黎試呢d一泊二食,
小齊都好乖, 成餐飯都坐定定,
仲同serve 我地o既日本姐姐講日文,
佢地都好 surprise 佢會識講日文, 因而比左o的著數佢...hehe...
食完晚飯返到房已經舖好晒床舖, 對比係第一次瞓tatami,
今次小齊冇咁興奮
今晚飯後o既餘慶節目係浸我地房o既風呂
o係我地房都要行一段室外o既樓梯先去到,
出面真係幾凍... 騰騰震咁...
都唔敢打開呢個半露天風呂o既門窗, 一來出面黑媽媽開左都睇唔到o的咩,
二來o的風吹埋o的風真係好鬼凍, 所以我地都係閉門浸浸就算了~
小齊又試浸到成身紅卜卜, 飯後甜點係下晝行街時買o既KUMAMON JELLY!
今日的確係美滿又充滿新鮮事情的聖誕節!
是日靚衫: KENZO KIDS, UGG BAILEY BOWS
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
