探險家攻略 > 台中台北親子之旅JUN 2012 ~ DAY 3 (PART 2)

台中台北親子之旅JUN 2012 ~ DAY 3 (PART 2)

由敗家媽媽於 2012-07-09 00:00:00 發表 | 累積瀏覽 379

分類：

(23/6) 第三日: 明琴清境山莊, 青青草原, 日月潭, 文武廟, 伊達邵市集, 涵碧樓, 台北柯旅天閣信義店 (下集)

上集講到去完青青草原睇羊咩秀,

之後媽媽叫左包車司機先生o係青青草原門口接返我地返民宿拎返我地之前keep左o係counter o既行李

就向日月潭方向進發!!

清境bye bye~~~

由於時間同天氣所限, 我地今次只係遊左清境小部份地方, 下次有機會再去其他地方~~

日月潭係台灣勝景, 但敗家媽媽大大話話去過台灣成10次都冇去過,

今次帶埋小齊初訪日月潭~

我地到達o既時候係日頭比較曬o既時候, 我諗都成30度,

落左車影左幾張相已經想衝返上車

小齊坐坐下車直情瞓著左, 所以到左日月潭都冇叫佢起身影相,

由得佢繼續o係車瞓, 我地幾個大人就係咁兩邊影下相就算喇

敗家媽媽聽聞涵碧樓o係日月潭幾有名氣, o係HK就已經book左今日3點食下午茶buffet,

見仲有d 時間就請司機先生介紹下附近有咩o野睇/玩,

佢本來suggest我地坐船食茶葉蛋或者坐纜車, 不過我地o既時間應該唔足夠,

所以佢就車我地去伊達邵市集果邊行下街

市集由3條大街組成, 幾熱鬧, 人流都算暢旺, 有D似我地HK o既赤柱市集噃~

主要係賣紀念品同埋土特產手信

我地都買左d手信, 肉乾, 麻糬, 仲有竹炭花生, 好多舖頭都有得試食

估唔到d竹炭花生其貌不揚 (如果冇得試食我見咁o既樣一定唔會買), 但其實幾好味,

如此買買走走, 就消磨左半小時多d,

司機先生黎接我地o既時候, 小齊都啱啱瞓醒, 多謝司機先生o係我地行街o既時候做埋託兒工作~

下一站係涵碧樓

未去之前都知呢個buffet 係食景多過食食物,

覺得都可以一試o既, 因為果度d 風景都真係幾好,

酒店o既陳設好典雅

真係都唔知叫唔叫好彩, 我地一到涵碧樓就開始落大雨喇

仲係好大雨果隻...大雨到連後面o既日月潭都只剩灰朦一片

食buffet o既餐廳

我地到達時間早過3點, 所以有時間周圍影下

未有得食小齊都周圍行下

我的小美人...

用餐環境不錯~ 食物就不過不失啦,

畢竟o黎呢度, 食物唔係亮點,

不過唔會話太差就是了~

飽餐後的團友~

食完下午茶都仲係有雨, 真係邊度都唔駛去,

咁情形我地唯有叫司機先生車我地去台中高鐵站, 準備坐高鐵去台北~

去到台中o既烏日高鐵站, 我地就同陪左我地3日o既司機先生say goodbye喇~

多謝佢呢幾日車我地周圍玩, 仲不時比d推介我地! 9527, 多謝你呀...

呢度就係台中高鐵站

站站停班次都係一個鐘就可以到台北, 如果坐快車應該只係要45分鐘左右, 真係好方便,

車站設施好新淨, 好完善, 就算我地咁多行李都ok~ (有一個行李o急係我拎住冇入到鏡)

烏日高鐵唔係好近台中市區, 周圍建築物都唔多

拎住包糖係咁問 "不如食一粒好冇呀?" o既小齊

有糖萬事足, 食咁多媽媽真係驚你爛牙, 我次次咁同佢講佢就會答 "我唔驚呀"

你梗係唔驚啦, 你都未試過!

o係月台四圍行~

車上同媽媽o黎張自拍啦

高鐵真係又快又準時, 完全冇誤點,

話咁快就到台北, 一鼓作氣去埋酒店

今次住o係:-

tango 柯旅天閣-- 信義店, 近捷運永春站 (5分鐘步程)

媽媽影得比較暗d, 其實現場冇咁暗

(photo source from http://www.tango-hotels.com/)

酒店房我地都好滿意, 畢竟唔係咁易book到3人房又唔駛加錢,

媽媽係直接o係酒店website book咖,

設備都幾好, 有埋音響設備, 仲有一隻demo cd

(你拎自己d cd o黎聽都ok o既, 如果你連去旅行都拎埋cd o既話)

小齊一到埗就話要開大, 媽媽為佢拎o黎o既私家廁所板又大派用場喇~

雖然拎咁多o野會搞到有好多行李, 但為左小齊去旅行去得舒服d,

媽媽辛苦d都要~~

稍事休息後大家去食酒店送o既自助宵夜...oops, 今日一日三餐都係buffet!!! 唔肥就有鬼!!!