齊齊大阪, 和歌山, 名古屋之旅 PART 1

由敗家媽媽於 2012-03-26 00:00:00 發表 | 累積瀏覽 541

分類：

前言:

籌備左成半年, 舊年9月已經CONFIRM 晒機票酒店, "想"睇櫻花之旅展開~

話說我地舊年都BOOK左4月去大阪, 點知因為地震O既關係, 改左8月去北海道。但我心思思想去日本睇櫻花啦, 所以又安排返今年3月去...可惜...天氣比預期中要凍呀, 一D櫻花都未開, 只有一大堆O既櫻花限定產品..., 又吸收一次經驗, 希望下次可以一睹櫻花盛放O既風采~

_*
*

第一日: 和歌山- 貴志川列車, 小玉貓站長, 黑潮市場

講返今次O既旅程, 真係玩盡7日呀, 第一日仲要係midnite flight, 1:35a.m. 起飛, 大人還好, 齊齊就簡直係挑戰耐力上限。

好彩齊齊都好合作, 而且隻機唔算full, 我地有成排位坐, 小齊可以訓到兩個鐘咁大把, 不過對於平日訓成8-9個鐘佢明顯未上電。

齊齊, 精神d!!! genki desu!!! 碌大d 隻眼!!!

精神明顯唔係好集中呀, 成日發呆~

天氣比香港凍, 大概10度咁上下, 成日都要著住褸, 有風果時都真係幾凍~

一到左JR和歌山站, 我地就搵貴志川線, 去探小玉貓貓站長同埋去貴志川士多啤梨園, O係呢個時候, 齊齊卒之難耐睡魔急CALL, 就咁訓左, 睇唔到貓貓列車~~ oh~

睇貓貓列車唔係必然咖, 因為呢條線其實都有"普通"列車 (我地回程就只係普通列車, 連相都冇影喇), 要留意時刻表呀。

而除左たま(小玉)列車, 其實仲有イチゴ（草莓)列車同おもちゃ（玩具)列車, 但我地去呢一日就只有貓貓列車同草莓列車有運行。

成架列車都係以小玉做主題, 好kawaii~

小齊訓左, 媽媽自己影相先

由於我地打算到總站, 所以買左650yen o既 day pass, 因為來回已經唔止呢個數咖喇!

成架車都係貓貓, 喜歡貓o既朋友不容錯過。

好多本地人都專程黎睇貓站長

車上都有一個小玉模型

而且有一個小型圖書架, 多數係一d 關於動物o既兒童圖書。

連坐車都可以培養到閱讀o既風氣, 實在太有意義喇, 真係有小朋友拎d書黎睇咖!

大約半個鐘左右就到左貴志站(即係總站)

見到鼎鼎大名o既小玉站長喇, 睇黎佢都好大年紀喇, 一路都係懶洋洋咁~

佢用站長頂帽黎做枕頭~ 型到呢!

本來想去士多啤梨園o既, 有得任食, 而且係walk-able distance~
可惜因為天氣麻麻地, 一路都係落住雨, 而且齊齊又訓左覺, 迫於無奈要取消喇!

我地無奈地等返回程去和歌山站o既列車, 其間去左候車室, 果度都有好多貓貓產品