探險家攻略 > 台中台北親子之旅JUN 2012 ~ DAY 3 (PART 1)

台中台北親子之旅JUN 2012 ~ DAY 3 (PART 1)

由敗家媽媽於 2012-07-06 00:00:00 發表 | 累積瀏覽 433

分類：

(23/6) 第三日: 明琴清境山莊, 青青草原, 日月潭, 文武廟, 伊達邵市集, 涵碧樓, 台北柯旅天閣信義店 (上集)

行程o既第3日係最早起身o既一日, 因為今日係星期六,

上晝 9:30 o係青青草原會有羊咩咩show~

如果miss左就要下晝2:30 先有得睇咖喇

影下民宿周圍o既風景先

雲霧繚繞...但霧散時亦好快, 景象千變萬化

影埋民宿o既A館, CHECK IN 同餐廳都o係果度

又山又水, 空氣又清新, o係度住真係命都長幾年,

開頭媽媽都擔心清境呢邊會唔會好凍, 仲拎左件褸比小齊

點知一d都唔覺得凍, 只係夜晚有dd 涼, 好舒服果隻,

我諗呢d月份o黎清境都係短袖衫加件薄外套已經好足夠

民宿果邊會提供自助早餐, 都叫ok啦, 有種叫"樹蕃茄"o既生果公公話好好食,

餐廳仲有"樹蕃茄" jam賣

景觀就一流喇, 餐廳望出去係咁:

'

食早餐之前順便check out埋喇, 話晒4層樓, 費事又行多一轉,

行李keep 住o係reception counter先,

之後我地請職員幫我地安排車過青青草原, 職員話有另一group人都去果邊,

叫我地等埋一齊9點先出發, 咁當然冇問題啦

食完早餐都未夠鐘, 我地周圍影下相先啦

清境其實真係一個幾唔錯o既避暑勝地, 氣溫好舒服,

如果唔係太大霧時可以望到好遠, 真係心曠神怡

o係明琴清境呢度種左好多"愛情花"

愛情花又稱：紫花君子蓮，尼百合；百子蓮
花期：四～六月

我地適逢其會睇到愛情花盛放~ 睇唔到薰衣草都有愛情花...

到左9點有車喇, 點知有段小插曲, 令我地本來都幾滿意o既民宿打左d折扣

話說我地一路坐車, 去到瑞士小花園附近,

司機叫我地落車轉公車, 話因為係假日有限制唔比佢駛地去青青草原果邊,

同我地共車o既3人都將信將疑, 大家唯有落車,

點知果度根本就冇公車(定係果日冇?!)

最後我地係搭人地o既白牌車, 每人比10蚊咁過青青草原。

之後我問返我地o既租車司機先生, 佢話未聽過有限制,

如果有o既話佢(因為佢o係青青草原接我地) 同埋果個白牌都過唔到黎啦~

我地當堂覺得比人老點左!!

因為比人老點左, 有d擔擱左我地睇羊咩咩show o既時間,

所以更驚險o既事發生喇~~

我地o係開show o既時間都未入得到"觀眾席"

而d羊咩咩一開show正o係山上以"萬馬奔騰"姿勢衝緊落黎我地果邊,

嚇到婆婆好驚呀...

好彩d羊咩咩真係好溫馴同埋有工作人員幫手, 我地都有驚無險,

敗家媽媽都有d 驚驚地, 唔記得影相,

驚魂稍定之後先影左呢張相, d 羊咩咩入晒表演場喇~

羊咩咩同大家近距離接觸

頭先騎馬出場o既牧羊人主持"脫毛show"

佢都應該留左o係台灣好多年, 操一口流利國語, 而且見過有d旅遊書都有佢個樣~

小齊睇書同電視成日都見到羊咩咩, 但今次係第一次近距離接觸, 睇o黎佢都覺得好新奇, 睇到眼定定

牧羊人好熟手, 話咁快已經搞掂晒, d 羊毛仲分左d比觀眾o添~

小齊睇到拍晒手掌

完show之後仲有時間比大家排隊同馬仔加牧羊人合照

羊咩咩show 其實幾好睇, 除左"脫毛"果part仲有d 搞笑環節, 現場觀眾都有份參與,

overall 氣氛係好好, 不枉我地抵住日曬黎睇哦!!
(綿羊秀表演時間為星期六日、國定假日及寒暑假(除了星期三)的09:30及14:30於青青草原表演台)
有興趣睇show o既朋友, 溫馨提示: 請帶備扇, 毛巾, 遮, 帽,

防曬lotion, bb車反而唔駛拎, 因為拎左都唔係好推到, d 路太崎嶇喇!

小朋友最好拎多件衫替換, 同埋記得記得準時坐定定!!!

小齊買左羊飼料自己餵羊去~

婆婆之前有同齊齊講<狼來了>o既故事, 成日聽婆婆講"小羊給狼吃光了",

而家婆婆就同佢講, 呢d咪就係果d羊囉...哈哈

小齊o係公公引導下都夠膽去餵羊咩咩喎, 叻女!