台中台北親子之旅JUN 2012 ~ DAY 4

由敗家媽媽於 2012-07-18 00:00:00 發表 | 累積瀏覽 457

分類：

(24/6) 第四日: 袖珍博物館, 西門町, 台北車站, 食養山房

天時暑熱, 是日行程以閒逛為主,

感覺上台北比台中好似仲要熱, 可能因為人多車多,

不過多極都唔夠香港多o既~

吃過酒店自助早餐後(oh, 又自助, 連續第4餐) 先去袖珍博物館

袖珍博物館

台北市建國北路一段 96 號 B1 (捷運松江南京站4號出口)

我地坐捷運去, 真係想讚下台灣人,

人地真係好"文明", 香港人見到真係要食慚愧波板糖!

同韓國地鐵一樣, 人地d priority seat 係留空咖!! 而且我地抱住BB 係咁多程車都有人讓座!!!

博愛座真係留比有需要o既人, 唔係等人讓座,

需知道有d有"讓座需要"o既人唔係有咁明顯o既特徵,

好似啱啱有BBo既人可能個肚仲冇d大男人個啤酒肚咁大,

但呢個時候反而係最而需要"安胎"咖囉

又有d人係腳受傷不良於行, 留空左d priority seat 咪皆大歡喜, 唔駛"等"人讓

o係香港你係唔會等到, 好多大刺刺坐住博愛座會扮瞓覺玩iphone,

總之就係"我睇你唔到, 我睇你唔到......"

你比人地先佔有座位, 唔代表你比人地更有權使用呢個座位,

希望香港o既讓座文化可以推廣下啦~

坐幾個站好快就到

袖珍博物館原來係o係一幢商廈o既地庫, 呢度行樓梯落去就係,

不過我地有bb車就梗係搭lift 啦

博物館唔算好大, 但充滿左式各式各樣miniature o既擺設, 由公仔到建築物...

好多特別版o既barbie呀

d衫好靚~~~

唔講你睇唔睇得出裡面係miniatures? 成幅畫咁

勁細緻!!

敗家媽媽最鐘意呢個"婷婷的房間"

好靚呀, 我都想整一間"齊齊的房間"比阿女~~

miniature中o既miniature!

唔講真係以為係豪宅示範單位囉...好仔細呀!!!

wow, 連chanel 袋都整到咁仔細, 好搞笑呀~~

貴婦人的粉紅臥室

成個皇宮都整到, 好厲害!

行完袖珍博物館之後我地去左西門町, 行下街食下o野咁,

婆婆係大創百貨(即係十蚊店)行左成個鐘...

小齊就爭取時間瞓晏覺~

瞓左晏覺個人都精神返, 之後去食甜品

齊齊其實真係一個食得幾"立雜" o既BB,

好細個已經成日食呢D零食甜品,

SO FAR好彩都冇話唔舒服, 可能已經適應左

望住杯雪糕好專心咁揀食邊樣先呢 ?

食完野我地由西門町行過去台北車站果邊, 坐捷運去"南港展覽館" 站再轉的士去汐止

去到咁遠無非為左食今日o既重頭戲 -- 食養山房

一間你唔BOOK枱就連門口都見唔到O既"私房菜"

因為o係條山路轉落去之前已經會有人問訂枱o既詳情

去到捷運都仲要轉的士坐成20分鐘先到, 真係長途跋涉...卒之到喇

小齊都比個"V"手勢

沿路行入去, 門口就係咁, 咩招牌都冇咖, 據講老闆話唔想咁多人知喎...

食養山房以前o係陽明山, 而家搬左o黎汐止呢邊,

環境好清幽哦~

訂枱時本來想訂午餐咖, 不過full house, 唯有改晚餐, 6點開始

我地獲分配到樓上果層o既一個corner 位~~ 都好, 唔駛嘈住人

老闆係一個禪修之士, 周圍佈置都好zen~~

o黎呢度唔駛點菜, 因為老闆會幫你選最時令o既食物o黎入饌~

你只需表明食唔食肉同埋sashimi 就得~

第1道 -- 特調果汁, 酸酸甜甜, 係百香果汁,

我應該食第一次飲"鮮"百香果汁, 之前飲果d都係加工支裝飲品

第2道-- 冷豆腐+ 腐皮卷 + 我都唔知係咩o既物體, 總之味道唔錯啦~

第3道 -- 山藥泥元貝蒸蛋

小齊都食得好開心哦~

第4道 -- 海鮮什錦拼盤, 有sashimi, 海膽紫菜卷, 仲有矮瓜

配搭好有心思, 不過sashimi其實比唔上香港或者日本啦

第6道 -- 南瓜煮大蝦, d 蝦膏好鮮甜,

南瓜更加係超甜呀, 有d似番薯, 但好似落左糖咁~

小齊好鐘意食蝦, 我地個個人分d比佢食, 佢食得多過我地囉

第7道 -- 鮑魚鮮菇飯糰, 呢味有d薑味, 我冇食到, 比埋婆婆食, 婆婆話好好味~

第8道 -- 蓮花鮮菌清雞湯

乾蓮花放上去熱騰騰o既雞湯上面...嘩...開花喇....好有心思呀....

而且真係好好味, 好清甜, 個感覺好養生呀...不愧係食養山房

最後少不了甜品 -- 綠豆爽同時令生果

整體感覺非常好, 成餐飯食得好悠閒, 食成3個鐘咖,

不過又唔覺咁耐喎, 反而有種偷得浮生半日閒o既感覺, 仲可以感受下山區o既靈氣哦~~

service一流, 服務員會為我地介紹每一道菜o既食材同食法,

不過有時係因為普通話太爛聽唔明,

最後仲地幫我地call埋的士返酒店

想食o既朋友記得早d 訂位, 一個月前訂都唔過份咖,

逢星期一休息

http://www.shi-yang.com/