內裡都係講返拉麵o既歷史, 或者賣下廣告, 同埋有d "限定" 商品販賣, 但我不嬲都唔係太好杯麵, 所以乜野都冇買到, 只係到此一遊,
時間充裕又好想試下整杯麵o既朋友應該都可以一遊。
CUP NOODLE MUSEUM 之後我地去左另一個唔係好HIT o既景點, 神戶市立FRUIT & FLOWER PARK
呢個公園係我無意中上網搵到o既, 睇相覺得都幾靚, 就spare 半日時間去逛逛啦, o係JR三田站會有SHUTTLE BUS, 一個鐘有一架咁大把, 而且個站唔係咁顯眼, 我都搵左10分鐘先搵到, 因為時間唔啱又等左成半個鐘先有車, 去到都差唔多2點幾, 而4:15PM已經係LAST一班回程O既SHUTTLE, 所以我地得2個鐘時間咋 (但後尾發現其實都夠晒, 我地大多數時間都只係o係度買手信
![]( "(laughing)")
, 天氣太凍都唔係好想周圍行)
你話睇相係咪都好似幾靚, 點知去到莫講話花, 連人都冇乜![]( "(surprise)")
, 成個公園得我地幾丁友仔咁滯, 可能係季節唔啱, 花都未開, 得溫室有少許。
我地去果日都幾凍, o係戶外時d 風都吹到呼呼聲, 真係唔想o係戶外留太耐, 而且周圍又冇乜人, 寒寒地~~
係咁依影左幾張相就算, 心諗: 呢個公園如果係私人搞就一定連管理費都蝕埋!
同婆婆一齊影相得戚到你
同媽媽又影
同花花又影
媽媽影緊花花時, 齊齊又走埋黎搶鏡
o係公園隔離有一個兒童樂園, 不過當日一樣係人流疏落, 真係鬼影都唔多隻
圖中唯一o既人都係我地自己人黎o!!!
由於係for 兒童o既關係, 裡面o係機動遊戲真係"小兒科"級, 天氣又凍, 我地幾個大人都冇乜興趣試玩。
小齊就更加唔會話要玩啦, 所以我地都係影左幾張相就算喇。
搭上4:15 p.m. (真係準時準到呢) o既shuttle 返三田站, 我地返返梅田食dinner, 是夜我地搵左間buffet restaurant, 順便行埋新開o既osaka station city
一放低隻碟齊齊就話"蝦蝦"呀, ,即刻拎左隻 。嘩, 快手到你呀
齊齊好like d 食物, 食左好多野, 不過每樣都係食少少。
我地去左o既呢間叫 platinum buffet 係梅田o既分店, 原來o係新宿都有喎, 其實食物都係一般, 不過價錢叫抵食, 冇乜留下咩印象。
o係呢度幫個姐妹買左FRED PERRY衫
之後行去YODOBASHI 想買另一個姐妹推介o既hitachi hada crie 美容機,
個counter好易搵, 賣12xxx yen, 就算日yen 成10算都平過香港旦百老x 賣$1,990
正打算大手購入之際發現 ------ 冇貨!!!! ![]( "(d'oh)")
oh no~
真係愁絮, 我唔知邊度仲有呢d大型電器舖有得賣喎!
唯有之後果幾日睇下點, 後尾發現簡直係"好彩" 之前買唔到...哈哈
未完 --- 待續part iii
是日靚衫: Microbe, Monnalisa
齊 ~ 閱讀樂
