仲有2, 3個星期就開學喇,
開始要預備開學用品,
自從分班之後, 我呢幾日開始同小齊一齊物色開學用品...
校服可以著返冇問題, 但鞋就有D 迫迫地
上星期買左白色運動鞋,
趁仲有SIZE 要快D出手, 越近開學就越可能會斷碼,
剛買呢對係9號, 即係一年大左一碼
黑皮鞋就會著返舊果對 (其實已經係第2對),
敗家媽媽亦趁早排 D 童裝網減價買定第3對...哈哈~
又係 Andanines, 第3對同第1對個款係一樣咖囉!!
除此之外又再安排整 name stickers
之前整落o既熨貼, 防水貼都未用晒,
見今年有大班朋友一齊訂會有折扣, 我地又補給少少啦,
小齊今年個樣好似大個左好多
今年o既初稿係咁樣:
(photo courtesy : blanksheet.com.hk)
豐儉由人, 睇下自己鍾意咩design
D name stickers 同 book labels 有好多唔同款式, 男仔女仔都有得揀
K2 同 K1 返學有D 唔同, K2 要自備水壺, 筆袋, 文具...
諗緊有冇需要order personalized o既比佢,
好似 stuck on you 咁, 就有好多 designs 都幾靚
諸如文具, 書包, 水壺都可以整成 personalized o既
咁就冇咁易整唔見啦
而且可以睇埋製成效果圖, 好多都唔錯咖
不過價錢都唔平,
整特製o既cost 應該會貴過唔見左再買過囉...haha
(photo source from stuckonyou.hk )
書包o既 design 都幾靚, 不過學校有書包提供, 暫時冇乜需要
保溫水壺都唔錯, 不過小齊K2 應該用有繩果款,
呢o的款只能平日出街用吧
過兩日會去影埋今年用o既學生相,
等月尾註冊日時有得用,
之前去過普通晒相舖影果D 真係唔多掂,
今次希望會影得SHARP D, 醒神o的~
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
