但有一個夢,不會死,記著吧!無論雨怎麼打,自由仍是會開花,
但有一個夢,不會死,記著吧!來自你我的心,記著吧!
親身感覺係比03年更多人,
不過爭辯數字係冇乜意思,
你有你話9萬2, 佢有佢話130萬,
自己感受下,
9萬人可以令香港癱瘓幾粒鐘?
咁以後大球場睇完波應該要預2個鐘先走到
感動仍有咁多香港人出o黎為香港前途發聲, 向不公義say no!
上次6.27 法律界遊行要湊女放學去唔到, 今次帶埋小齊一齊o黎,
o係維園等候o既時候下左場大雨, 大家冇退縮, 拎住遮唱自由花... 感動~
撥冷水o既人會話咁樣冇用, 攞苦o黎辛 :- 好多o野, 都係做左未必有用, 好似投票咁, 當選o既未必係你揀果個, 但呢種公民權利公民義務係有D人一世都享用唔到
話o的人出o黎係搞事, 搞亂香港 :- 唔排除, 不過尋日眼見遇上o既都係好人, 見我地有小朋友仲幫我地撥涼, 讓路比我地, 同我平時見到o既"同胞" 素質不可同日而語, 要同咩人為伍, 咁大個人, 自己揀
比政棍利用啦, 拉布搞搞震 :- 都唔排除, 但有時o既o野, 兩害相權取其輕, 你buy 蔣麗暈唔亮星多過梁家傑余若薇係冇問題, 你個人選擇而已, 我揀"比較"公義o既一方而已, 學倪匡話齋, 掟下蕉你就話暴力, 對面係共產黨呀~
共產黨做過o的咩咁得罪你? :- 睇下六四, 睇下佢點對維權人士? 點樣貪腐? 自由行落o黎o既"同胞" 係咩素質? 佢冇得罪我, 只係唔想大家走得咁近o者。 "一國兩制"呀嘛, 你都知你自己個"制"嚇親人咖啦
唔好混淆左我唔妥中國, 我o既概念係"朝代時有更替, 中華民族長存"
睇下近呢5, 60年o既大陸同台灣o既精神文明比較, 文化水平, 人民素質, 你會明白我想講咩
(photo source from 主場新聞)
敗家媽媽有位大學同學早前o係fb post左篇文, 現借用作結:
"好些港人以為「阿爺」有三頭六臂,可以為所欲為,就連美國佬也怕了她,因此我們最好聽聽話話,不要惹怒她,反正吵也沒有用,她不會怕你的。
有那麼多香港人這樣想,証明大陸的宣傳手段真的一絕。
如果北京真的那麼有種,那就不用弄個沒有法律效力的白皮書了,直接弄個《基本法》下百分百有約束力的人大釋法不就好了嗎?
人大喜歡《基本法》怎樣解釋也可以,要加塩加醋又得,要黑白顛倒亦得,要把「愛國」解釋為愛黨也一樣得,直接了當。
那為何她又要閃閃縮縮的弄個白皮書,而且不是由港澳辦又或中聯辦這些「對口單位」發表,而是由國務院新聞辦公室這種扯不上關係的單位發表?更何況,發表至今,只有香港那些應聲蟲和應,沒有半個有份量的中共頭目撐場?
因為北京在試水溫,一見群情洶湧,就派港澳辦阿頭走出來澄清,說白皮書不過是國務院新聞辦行使其「言論言由」,發表一下「個人意見」而已,但若果港人毫無反應?那北京肯定會乘勢而上,「加大力度」,「打造」司法愛國「平台」,「全面落實」中港融合大計了。
不要以為北京天不怕地不怕,她一方面希望全面操控香港,另方面又怕港人反撲。別聽北京胡吹甚麼香港經濟全靠大陸,香港反面了,大陸哪裡上市集成千上萬億的資?人民幣那裡推向國際?貪官那裡洗黑錢?包括港澳辦主任王光亞的孫兒那裡來進口奶粉?
上海?Come on! 吹了十七年,現在還在吹,實情是沒有法治,就沒有金融,讀過一點金融史的人也明白。
鄰近地區對著香港,就好像地鐵色魔對著美少女一樣,一方面又想上下其手,一洩其獸慾,但另方面又怕美少女反抗,高聲大叫,惹上一身禍。
所以呢?色魔一開始只會摸摸手臂,見少女怒目而視,則馬上縮手,見少女不敢揚聲?開始慢慢掃背了,再不出聲?哇哈哈哈哈⋯⋯
香港廿三條的時候吵了,所以我們自由,往後沈默了,所以我們墜落。
It's now all up to you and me, my friends."
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================