有時無聊地諗, 如果我唔係做而家呢份工, 我想做咩工作?! ![]( "(confused)")
我諗其中一樣我有興趣做o既係"美甲師"~![]( "(tongue)")
成日睇雜誌見人地日本果d "甲藝"做得好靚哦~
都好佩服d日本妹, 次次都整到d 指甲又襯晒衫, 又皇冠又blingbling...
真係唔駛做o野, 剩係做公主先可以整成咁
![]( "nail art 1")
(photo source from NAIL MAX 2013 APR)
自己就冇可能整到咁浮誇咖喇, 湊女同返工都唔方便, 點幫阿女沖涼, 點用電腦喎?
而且敗家媽媽都冇咁多時間整gel 甲, 次次都要整幾個鐘, 又要拆又要磨咁樣, 而且整開左個頭又唔可以唔整落去~
仲有好似好貴咁, 整一整又唔見幾百蚊...
所以唯有自己o黎, 敗家媽媽一向都自己整指甲~ 之前做女果陣仲好心機整, 而家做左媽媽比較難分身~
hehe~ 參考下人地日本雜誌d 整法, 其實都唔太難, 有工具同心機就得~
(以下photo source from NAIL UP 2013 MAR)
![]( "nail 3")
![]( "nail 2")
真的, 如果有時間整都幾好玩咖~
但我只能夠襯小齊瞓左先整...所以都係草草了事...
之前整過o既一少部份:-
(1) 立體貼花
d 貼花係我淘寶淘返o黎, 好似幾蚊有三, 四十朵, 不過要自己加工貼同上色,
都好易, 用幾隻粉紅色甲油襯o黎襯去就得
唔好處係唔long lasting, 得幾日貨仔, 就甩得七七八八~
![]()
(2) 雙色漸變
呢個係尋晚整o既, 整o既時候就決定寫返篇文...haha, 有d 春天feel 嘛?!
我諗睇我blog o既好多都係媽媽級, 寫呢篇分享文同各位媽媽分享下d 扮靚o野~ 女人要終身美麗嘛 ~
呢個好簡單, 用兩色指甲油做漸變, 唔駛咩技巧, 先搽深色但搽一半做底, 淺色就搽上面, 即成~
![]()
冇多冇少, 就係用呢四支甲油, top coat, base coat 就次次都要, 另外兩支都係n年前買落的了~
![]()
(3) 美甲貼色
呢個係之前用美甲貼紙做o既, 貼紙我o係日本買, 後尾見到log on 都有貨了, 再入貨,
都唔太難, 先搽底色, 等佢乾晒先裁同貼d 貼紙, 最後搽top coat ~ 簡單又last 得耐~
![]()
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
