體重：25.5磅
身高：86 cm (呢兩個月真係覺得小齊有高左, 之前冇咁覺, 而家著d裙仔感覺更稱身)
衣服呎碼: 80 - 100, 12m - 4Y 都著到, 視乎牌子同質地
鞋碼: 22 - 23, ZARA 鞋佢著到25
飲食習慣方面:
晨早: morning milk 260ml (o係床上嘆奶果隻) -- 呢個係不變
早餐+ 午餐: 跟阿公阿婆去街又食多次早餐, 小齊會比埋意見叫阿公阿婆去邊度食, "阿公今日唔好食美心酒樓啦, 食"小城知味"啦", 阿婆聽得鄧麗君多成日講錯"小城故事", 小齊即時糾正: "係"小城知味"唔係"小城故事"呀阿婆~"
TEA: 阿公日日都會切好幾樣生果比佢食, 久而久之小齊成為一個FRUIT LOVER~ 都好o既, 女仔食多d生果皮膚靚呀!
食自助餐小齊更加好似食生果大餐咁, 係咁食哈密瓜西瓜!!DINNER: 夜晚等埋爸媽媽放工返o黎大家一齊食晚飯, 又係食大人o野
宵夜: 奶奶140ml (好少好少比佢飲宵夜奶, 一來想佢晚飯時食多D, 唔好依賴左支奶而唔食o野, 二來刷完牙再飲奶就唔係咁衛生啦)
零食: 仍然係最愛, 不過佢都學識左咩叫適可而止, 有幾次佢食珍寶珠食到半路都話"我唔食喇", 可能佢都知媽媽唔like佢食糖~
飲食習慣方面: 小齊可以話係自己食o既獨立個體, 我地做o既只係幫佢提供合適o既餐具同埋食物, 佢埋位基本上可以自動波食~ 飲湯仲會自己拎起隻碗"骨骨聲" 飲果隻, 佢好鍾意飲婆婆煲o既湯水呢!
認知能力方面:
ABC, 123 果d同之前幾個月差唔多 (不贅) 1-10 o既英文讀得相當標準~
日文五十音 : 最叻 "あいうえお”, 同埋”最後にみっつわ、を、ん” 多得隻五十音歌仔
另外, 呢兩個禮拜小齊迷上左五十音砌圖, 日日都會玩, 而家佢基本上已經可以自己一個人完成, 係有時砌d 位郁左佢會叫我地幫佢"撥亂反正", 爸爸都話小齊玩50音砌圖已經快過佢~
就係呢個50音砌圖:-
![]( "20121008_205130")
顏色, 形狀, 動物, 生果, 常見果d大部份都識同記得, 讀音方面中文英文已掌握, 呢幾個月加埋日文o既"顏色, 動物, 生果, 眼耳口鼻等": 小齊最愛"もも（PEACH)” 同埋"みみ（EAR）” -- 大概係覺得讀音得意啩~
認字: 仍然係認英文好好多, 呢輪認多左d有關表情o既字: angry, thirsty, hungry, sad
唱歌 : 可能呢兩個月上多左日文o既pg, 佢呢排都係唱d 日文兒歌比較多, 有一隻關於 "大きいな栗の木”佢成首都識唱仲唱得幾好感情~
故事書: 而家佢可以聽我讀晒一本oxford reading tree o既故事書喇, 以前讀幾頁佢就冇心機聽。
媽媽做左小齊o既伴讀書僮, 陪佢讀書, 中文英文我地都會睇, 似乎小齊睇英文書有興趣d~
經典: 早幾個月前教佢讀<<三字經>>, 佢而家都仲記得喎, 不過d 讀音開始模糊, 睇o黎耐唔耐要重複再教~
![]( "IMG_0516")
自理能力方面:
同之前一樣, 仲未戒片, 著緊L碼, 好彩開大就一定會講, 耐唔中一次自己去到toilet 小便就會話:我戒片成功喇!!!" (阿女, 仲差得遠呢)
刷牙做得比之前好喇, 而家唔會飲左d水同食牙膏, 佢仲會主動提我地幫佢手刷牙, 媽媽幫佢刷一round, 佢自己半玩半認真又會刷多round~
著鞋除鞋呢一排佢自己試多左, 但好多時都係要協助o既。
婆婆教小齊幫手煮飯, 佢有時會同婆婆一齊做d 簡單o既清洗工作, 好似洗菜呀, 揀芽菜呢d, 婆婆話一來可以消磨下時間, 二來又可以教下小齊食物要點處理。
而家d 小朋友太幸福, 飯來張口, 唔知道食物珍貴, 通過呢d小小家務想培養下小齊要珍惜食物同埋要幫手做家務。
語言能力方面:
對答如流, 鍾意傾電話
好似小管家, 會捉爸爸o既錯處: "唉, 爸爸d 鞋又周圍擺, 唉, 真係冇禮貌喇!~"
每日小齊都有個任務就係提醒公公食藥, 小齊仲記得每一粒係咩藥, 我有時都會問返佢, 佢話: "呢粒咪膽固醇藥囉"
![]( "IMG_0486")
小齊返o既pg 入面, 2.5 歲起就要自己一個人獨自上堂, 雖然小齊未夠2.5 歲, 媽媽諗住比小齊試一試呢d大仔班, 結果非常好, 小齊都唔駛我地多叮囑, 二話不說就昂首入課室, 半點拖泥帶水都冇, haha...真係似我!!! 完成pg之後佢都再重申, "我唔駛爸爸媽媽陪又唔駛公公婆婆陪" ~~ 媽媽心中暗叫 "實在太好喇!!! 擒高擒低捉雞仔o既pg生涯告一段落喇, 哈哈!!"
本來媽媽心中有一絲懷疑唔比小齊返pn o既決定會唔會令佢好難適應下年k1 返學生涯, 但而家所有疑慮都一掃而空, 我相信只要比足夠o既心理準備, 小齊可以適應到任何一間o既幼稚園~
![]( "IMG_0777")
![]( "IMG_0815")
活動能力方面:
自己行多左, 雖然有時都仲係要扭抱同埋要坐bb車仲未識跳, 跑步都未得(或者應該話係唔似), 小齊"跑步"姿態似"競步"多d
啱啱個星期日媽媽帶左小齊去試ballet o既堂, 小齊又係自己一個人返, 同d 姐姐一齊玩, 之後老師o既comment都好正面, 小齊亦表示佢鍾意跳舞, 所以媽媽就幫佢報左星期日班活動下~~
齊 ~ 閱讀樂
