面試班呢樣應該算係近年興起o既"產品",
起碼我自己讀書個年代我唔聽見有面試班先
但而家呢? 上網, 或行街都會收到坊間一o的面試班o既宣傳
幼稚園o既有, 小一o既有, 中學o既都有!
有人話面試班有用, 有人又話冇用
究竟邊個啱?
據我自己o既理解呢, 面試應該係學校收生前為左了解candidate (及其父母) 適唔適合學校而安排,
而內容視乎學校想收咩學生,
學術型學校會多問學術問題,
有o的會考學生IQ, 應變,
看重課外活動o既學校會了解下學生音樂/體育/藝術...有咩ability?
而同一間學校唔會收晒同一類學生, 有人衝成績都想有人幫學校拎下獎,
家庭背景都一定係考慮因素
係你o既就係你o既, 雖然唔係全部了解學校o既要求, 但收你就係睇中你一o的特質(或家境haha)
因應學校o既收生模式面試班應運而生,
目的係 : 令到本身唔太適合呢間學校o既學生經過訓練變得"看似"適合呢間學校!
(點解我話本身唔適合呢? 如果適合就唔駛上啦下嘛?)
好似有d 本末倒置
ANYWAY, 我覺得面試班似係捉家長心理,
令家長可以稍為"安心" o既一種心理補助
如果呢一刻你問我呢? 我諗我唔會送小齊去上面試班
兩面o黎睇, 我首先假設:
A. 面試班係冇用o既?
如果真係咁有用, 可以化腐朽為神奇的話, 請出示所有報考學生成功o既百分比, 而唔係"本面試班學生獲以下神校A, B, C取錄" 呢D籠統statement,
有o的小學校長直情話面試班倒模式o既訓練佢地睇得出, 勸家長唔需要咁做云云
B. 如果面試班係有用o既呢?
咁我擔心錯配, 面試班造成假象, 學校最後發現其實呢個小朋友唔係咁適合學校o既教學方式,
咁小朋友之後o係學校果6年會唔會跟得上?
要面試o既小學都係直資, 私小, 唔同津校,
校方真係可以逐個學生咁screen邊個先啱校方要求,
咁就算面試班可以幫你擠上呢間學校, 之後讀唔讀到都係睇個人,
咁不如一開始就比學校睇真實o既一面?
好似陶潛話齋: 質性自然, 非矯厲所得, 飢凍雖切, 違已交病
對於我地o黎講, o黎緊一年會係好重要o既觀察期,
睇下小齊學術上, 及其他技藝方面適合咩學校接受教育?
與其要求一個5歲小朋友改變自己, 不如花多d 時間去了解咩教育模式更適合佢?
媽媽就咁諗: 興趣班呢會keep 住上, 公開試呢會當程度測試咁安排小齊考(但唔會上應試班, 媽媽自己教, 雖然有o的花時間, 但我幾enjoy 呢種bonding time, 當小齊講o係xxx書我見過講呢個字/情節, 我好慶幸我係即刻明白佢所指同埋回應到佢o既人, 因為o的書我同佢一齊睇o既!)
我唔抗拒考公開試, 因為cert都係比學校參考o既一種媒介,
你話佢普通話流利? 英文好? 彈琴勁? 口講無憑, 拎張cert 出o黎就傳神嘛,
當然, 呢d 試又唔係硬性規定要考, 考得滿意先拎cert出o黎囉,
唔滿意再查找不足, 應該好處多過壞處
但係面試班呢, 我自己就應該唔會考慮
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
