繼續第2日行程,
去完KOURI ISLAND 我地就去名護o既
沖繩水果園
本物諗住去菠蘿園/TROPICAL GARDEN 是但一度,
反正都係果園之類,
最後o黎左熱帶果園呢度
要比入場費的, 裡面就係咁,
花花草草...好驚有蚊
除左植物仲有動物
天氣真係好熱, 所以我地都係急急腳行下到此一遊,
相都冇乜點影
最後o黎到賣souvenir o既地方, 正, 有冷氣,
可以慢慢行了~
嘩, 有好多菠蘿任君試食
好闊佬~
我見到對日本父子o係度食左10分鐘...
小齊都開心試食, 食左成10舊!
不過佢其實想買菠蘿仔公仔多d
之前佢見過死黨minako 有已經係咁話想買
對佢o黎講o黎沖繩最大o既期盼係買"菠蘿仔"
佢曾經話過: "我都係唔去沖繩, 我想陪表哥o係香港玩, 你幫我買隻菠蘿仔得喇"
可見佢幾喜愛呢隻菠蘿仔
除左菠蘿仲有好多公仔...
菠蘿仔頭箍都有
最後買左菠蘿仔2隻, 仲有介指
爸爸同婆婆o係度都買左好多特產, 什麼沖繩水雲買左好多包
隔離間便利店買埋薯片, 不過唔好食~
shopping 完o黎食個 late lunch
都係o係名護o既百年老店"大家"
環境非常隱秘, 有GPS 都要搵左陣
與大自然融為一體o既風格
餐桌旁就係流水淙淙
大家都餓餓地一人叫一個套餐, 都係沖繩湯麵加飯咁
敗家媽媽覺得呢度個麵真係唔錯
o係咁o既風景之下食麵真係幾新鮮o既經驗
但要忍受o既係冇冷氣真係會幾熱啦, 小齊食到滴晒汗
飽餐完之後小齊拎埋菠蘿仔我地又去下一站啦~
呢期好衰, 影相成日伸脷
我地o黎到時已經過左4點, 可以用平d o既門票入場
盛惠1290yen
不過呢個時候有人已經瞓左
好彩佢唔駛買飛, 估唔到佢真係瞓足全場,
到我地走佢都未起身, 真係浪費左媽媽帶佢o黎睇魚魚o既一番美意
全館最多人o既影相位就係呢個大魚缸
之前睇韓版原來是美男時見過
而家親身睇到喇~~
真係勁大條...鯨鯊?!
行左一圈就走喇, 諗住帶個女o黎睇o既景點可惜佢瞓足全程
叫極都唔醒, 真係o徒晒~
我地今晚o既酒店o係宜野灣, 揸車返去都要個幾鐘
途中睇埋日落
返酒店check in 後去左附近o既一間居酒屋,
o野食麻麻地, 叫填飽個肚
食完飯仲有節目, 又係shopping time
次次o黎日本都會搵呢間o野, 貪佢乜都有得賣又開到凌晨
瞓左晏覺charge 爆電而家心情極靚
小齊最開心有得玩呢d fing 錢車
玩完仲有粒糖, 睇佢開心過執到金
買左d 零食之後卒之返酒店啦, 今日行程真係好緊密
大家返到酒店都攰爆即刻沖涼瞓
第二日行程完~
其他沖繩之旅文章:
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
