其實開頭冇諗住搞生日PARTY,
話晒3歲時已經搞過, 我覺得唔駛年年搞~
是咁的, 我只係o係上個月同佢傾計講開,
我話: "你下個月就4歲咖喇, 你要乖o的...blah blah blah (下刪一千字)"
小齊: "咁我地幾時搞party?!"
我: : "下, 我有話搞咩?!"
小齊: "做乜唔搞啫, 我想搞呀!"
我諗我都算幾廿四孝媽媽, 阿女開到口話想請o的同學o黎開P,
話晒第一年讀幼稚園, 我都明白佢想同同學玩下o既
咁就不如輕輕咁搞個小型生日P啦~
簡單o的打算都係o係clubhouse function room 搞,
請10個同學仔左右, 名單由佢自己決定,
我負責幫佢寫invitation,
佢自己返學校派比同學, 其中9個都係佢果班,
死黨minako o係另一班, 佢o係校車派 invitation,
總算任務完成。
至於佈置, 食物等都係媽媽安排啦,
上網搵資料好在都唔太難, 仲有點太多資訊要過濾下,
好在都搵到好多有用info, 幫到好大忙!
雖然話係簡單搞, 媽媽都想花多少心思,
希望小齊會喜歡~
首先問佢想要咩主題, 我一心諗住hello kitty 啦,
簡單易買
點知佢話要想要波波, 仲要係公主波! (暈) oh...真係中毒太深...
去得disneyland 太多o既後果! 中晒公主毒!
但我真係唔多like 公主呢, 所以唔想買果d 成個公主望住你果d 佈置
我地不如用o的公主風o既佈置好冇?
(不過公主波一個半個都仲ok o既~)
如是者就揀左粉色紫色做 party theme~
我覺得都幾好睇呀~
佈置用o既旗仔~
仲整定左o的thank you tag, 呢個係中途版未完成加工!
跟住仲要去張羅其他佈置, 公主波, 餐具, 食物, 飲品, 蛋糕......
都幾多o野要預備, 我已經墊定底出年唔會搞住,
叫小齊好好enjoy 今年先!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
