廈門之旅第3天,
我地一早又比小齊嘈醒!!
佢同返學一樣都係7點幾起身!!
激死~
叫佢再瞓佢就話 "瞓覺呢, 真係好悶咖"
怕左佢, 唯有大家一齊去食早餐啦
食返同之前果日一樣o既早餐
之前果日冇食雪糕, 小齊話今日想食
食完個早餐之後其實都係好早
我地返房hea 到last minute, 成12點先check out
byebye我地住左兩日o既酒店~~
食完早餐冇耐又食晏
今次去返之前果日食唔到o既 鷺江賓館中菜廳
呢個時候小齊就瞓喇, 比佢玩死
呢度有個優點就係望到對面o既鼓浪嶼
我o係呢度露台影出去o既鼓浪嶼全景
此時露台都冇乜人
望落去就係中山路步行街
影左一陣, o野食到喇
賣相ok, 味道一般
香港o既好食o的
呢度d 點心比較多油
食完再去露台影相, 瞓左成個鐘小齊又差夠電喇
下一站係廈門大學, 我地坐巴士去
廈門大學被喻為中國最美麗o既大學之一
果然真係又大又靚
最重要係幾乾淨 (除左廁所)
仲有人工湖
小齊同媽媽玩
人工湖仲有d 動物 (我都唔知叫咩, 唔似鴨唔似鵝)
好快行左個round, 不過我地都行唔晒成間大學
離開大學後去埋隔離間寺廟
好大片荷花池, 不過冇荷花
再行過o的見到有個放生池...嘩好多動物
龜只係其中一種
小齊開頭覺得悶悶地...
媽媽話不如買包飼料餵佢地小齊即刻開心晒
餵佢地啫, 你又冇份都咁開心
今次大膽左, 肯自己試下餵
小齊望住佢地爭食個樣好搞笑
最後一站返香港, check in 搞左好耐,
好彩我地預鬆d 時間
點知去到boarding 時間唔比上機, 居然派飯!!!
我幾驚係因為香港打風 (天兔) 所以冇得返香港~
唔~好~呀~!!!!
原來係因為inbound 隻機delay左所以會我地都會delay 1.5 個鐘
真係嚇死我, 雖然要delay 不過已經算好好彩,
如果我地遲一日走就真係返唔到香港喇
第2日夜晚6點就停飛喇,
今次行程尚算順利, 真係執返身彩!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
