好好珍惜小時候...

做媽媽o既真係要好好珍惜小朋友細個o既時間,

好o既親子關係應該o係呢個時候建立,

而呢個時間話長唔長, 話短唔短,

同小朋友玩多d係最好!

小齊到而家3歲4個月, 都未正式返學, 平日返pg之外就係食玩!

隨心瞓覺任何時間都得 -- 呢個真係o係人生之中好難得!

敗家媽媽要學下唔好心急迫你學太多o野, 現在要好好珍惜你乜都唔識o既時候:-

游水: 媽媽自己游得唔叻, 教唔到你, 遲d先睇你情況點先決定幾時學,

今年媽媽只幫你練下"照頭淋", 小齊一路都要兩個人先洗得頭 (一個抱住佢)

係呢一兩個月先開始可以"直立式" 洗頭而佢好怕淋到塊面,

媽媽今年幫下克服呢個障礙先


彈琴: 只係有個玩具琴而小齊好少玩, 但呢個年代好似係人都要學琴,

不過小齊手指仔比較細同埋冇乜力,

加上我覺得佢仲未可以聽從指令,

學琴大計都係遲d先諗


寫字: 到目前為止冇正式教佢寫乜滯, 多數只係比顏色筆佢亂劃,

媽媽自己都唔記得自己細個幾時學寫字,

但有印象小學時寫好多詞語,

幼稚園階段我諗都係跟翻學校o既進度啦, 學校幾時教你就幾時寫啦,

相信時機未到就迫唔o黎, 媽媽靜心等待水到渠成o既一日